«Búgin saǵat 8:00-de QR Ádilet mınıstrliginiń «Jyljymaıtyn múlik tirkelimi» memlekettik derekter bazasy isten shyqty. Osyǵan baılanysty qazirgi ýaqytta halyqqa qyzmet kórsetý ortalyqtarynda birqatar qyzmetti alý múmkin emes», - dep habarlaıdy «Azamattarǵa arnalǵan úkimet».

Baspasóz qyzmetiniń málimetinshe, aqaýlyqtar anyqtalysymen-aq «Ulttyq aqparattyq tehnologıalar» AQ arqyly derekter bazasyn qalypqa keltirý jumystary júrgizilýde.

«Keltirilgen qolaısyzdyqtar úshin keshirim ótinemiz. Aqparattyq júıe jumysynyń qalpyna keltirilgendigi týraly qosymsha habarlanatyn bolady»,- delingen vedomstvonyń habarlamasynda.

Qazirgi kezde HQKO-larda kelesi qyzmetterdi alý múmkin emes:

1. Jyljymaıtyn múlikke quqyqtardy (aýyrtpalyqtardy) memlekettik tirkeý;

2. Jyljymaıtyn múlikke quqyq belgileıtin qujattyń telnusqasyn berý;

3. Jyljymaıtynmúlikobektilerinińtehnıkalyqpasportyn berý;

4.Jyljymaıtyn múlik obektileriniń tehnıkalyq pasportynyń telnusqasyn berý;

5. Jyljymaıtyn múlik obektileri josparyn (shemasyn) qosa alǵanda, tirkeý organy kýálandyrǵan tirkeý isi qujattarynyń kóshirmelerin berý;

6. Jyljymaıtyn múlikke tirkelgen quqyqtar (aýyrtpalyqtar) jáne onyń tehnıkalyq sıpattamalary týraly anyqtama berý;

7. Jyljymaıtynmúliktińbolmaýy (bolýy) týralyanyqtama berý;

8.Jyljymaıtyn múlikke tirkelgen quqyqtar jáne toqtatylǵan quqyqtar týraly anyqtamalar berý;

9. Jyljymaıtyn múlik ıesi (quqyq ıelenýshisi) týraly málimetti qamtıtyn tehnıkalyq pasportqa qosymshany berý;

10.Qazaqstan Respýblıkasynyń azamattaryn turǵylyqty jeri boıynsha tirkeý;

11.Memlekettik turǵyn úı qorynan turǵyn úıge nemese jeke turǵyn úı qorynan jergilikti atqarýshy organ jaldaǵan turǵyn úıge muqtaj azamattardy esepke alý jáne kezekke qoıý, sondaı-aq jergilikti atqarýshy organdardyń turǵyn úı berý týraly sheshim qabyldaýy;

12. Turǵyn úı kómegin taǵaıyndaý;

13. Qazaqstan Respýblıkasynyń aýmaǵynda jyljymaıtyn múlik obektileriniń meken jaıyn aıqyndaý boıynsha anyqtama berý.

Osy rette, QR azamattaryn turǵylyqty jeri boıynsha tirkeý qyzmetine turaqty tirkeý de, ýaqytsha tirkeý de qamtylatynyn aıta ketý kerek. Osylaısha, azamattardy turǵylyqty jeri boıynsha tirkeý qyzmeti derekter bazasyndaǵy aqaýlyqtar joıylǵannan keıin ǵana qoljetimdi bolady.


Eskertý!

Baq.kz saıtynda jarıalanǵan avtorlyq materıaldardyń barlyq quqyqtary qorǵalǵan jáne aqparat agenttiginiń menshigi bolyp tabylady. Kóshirip basý redaksıanyń ruqsatymen júzege asady. Materıaldy kóshirip basý kezinde Baq.kz saıtyna tóte silteme kórsetý talap etiledi.