Memlekettik aiyptaýshy Qazaqstan Jýrnalister Odaǵynyń tóraǵasy Seiitqazy Mataevty alty jyl segiz ai bas bostandyǵynan aiyryp, jazasyn jalpy rejimdegi abaqtyda óteýin surady. Onyń uly Ásetke prokýror Erjan Quraqbaev alty jyl surady.
Seisenbi kúni Astana sotynda ótken jaryssóz kezinde memlekettik aiyptaýshylar túrme jazasynan bólek Mataevtyń barlyq dúnie-múlkin tárkilep, úsh jylǵa deiin kásipkerlikpen ainalysý quqyǵynan aiyrýdy surady. Prokýrorlar sottan Seiitqazy Mataevty salyqtan jaltardy, memleket qarjysyn jymqyrdy degen aiyptaýlar boiynsha kináli dep tanýyn surady.
Advokattar bolsa Mataevqa qatysty qylmystyq qýdalaýdy toqtatýyn talap etti.
Jýrnalister odaǵy tóraǵasy jáne onyń ulyna qatysty sot isi Astanada 23 tamyzda bastalǵan. Olar ózderine taǵylǵan aiyptardy moiyndamaidy.
