مەملەكەتتٸك ايىپتاۋشى قازاقستان جۋرناليستەر وداعىنىڭ تٶراعاسى سەيٸتقازى ماتاەۆتى التى جىل سەگٸز اي باس بوستاندىعىنان ايىرىپ, جازاسىن جالپى رەجيمدەگٸ اباقتىدا ٶتەۋٸن سۇرادى. ونىڭ ۇلى ەسەتكە پروكۋرور ەرجان قۇراقباەۆ التى جىل سۇرادى.
سەيسەنبٸ كٷنٸ استانا سوتىندا ٶتكەن جارىسسٶز كەزٸندە مەملەكەتتٸك ايىپتاۋشىلار تٷرمە جازاسىنان بٶلەك ماتاەۆتىڭ بارلىق دٷنيە-مٷلكٸن تەركٸلەپ, ٷش جىلعا دەيٸن كەسٸپكەرلٸكپەن اينالىسۋ قۇقىعىنان ايىرۋدى سۇرادى. پروكۋرورلار سوتتان سەيٸتقازى ماتاەۆتى سالىقتان جالتاردى, مەملەكەت قارجىسىن جىمقىردى دەگەن ايىپتاۋلار بويىنشا كٸنەلٸ دەپ تانۋىن سۇرادى.
ادۆوكاتتار بولسا ماتاەۆقا قاتىستى قىلمىستىق قۋدالاۋدى توقتاتۋىن تالاپ ەتتٸ.
جۋرناليستەر وداعى تٶراعاسى جەنە ونىڭ ۇلىنا قاتىستى سوت ٸسٸ استانادا 23 تامىزدا باستالعان. ولار ٶزدەرٸنە تاعىلعان ايىپتاردى مويىندامايدى.
