Úmitker Sairangúl Jumadilova jinalǵan qaýymǵa «AMANAT» partiiasynyń sailaýaldy baǵdarlamasyna toqtalyp, ulttyq qundylyqtar týraly kókeide júrgen oilaryn ortaǵa saldy.
– Biz memleket tutastyǵyn, birlik pen igi iske judyryqtai jumylýdy belsendi azamattyq qoǵamnyń basymdyǵy men kórsetkishi dep sanaimyz. Sondyqtan ultyna, senimine, tiline, jynysyna nemese materialdyq jaǵdaiyna qaramastan, ár azamattyń múddesin eskeremiz. Elimizde ana tili men ulttyq mádenietti qoldaý jáne damytý quqyǵyna eshkim eshqashan nuqsan keltirmeidi, – dedi Sairangúl Jumadilova.
Damyǵan mádeniet ulttyń rýhani birliginiń negizi bolýy shart. Sondyqtan «AMANAT» partiiasy mádeniet salasyna barynsha qoldap keledi.
– Biz jyl saiyn teatr, kitaphana, kommýnikatsiia, bilim berý jáne demalys ortalyqtaryn qosa alǵanda, 300-ge jýyq mádeniet nysanyn salamyz jáne jańǵyrtamyz. Mádeniet, muraǵat pen kitaphana qyzmetkerleriniń jalaqysy eki esege artatyn bolady. «Ulttyq tárbie – ult bolashaǵy» tárbie berý tujyrymdamasy engiziledi, – dep Sairangúl Jumadilova kópshilik aldynda oiyn ortaǵa saldy.
