Toqtar Tóleshovten 1 mıllıard 215 mıllıon teńge óndirildi, dep habarlaıdy Dalanews.kz  Shymkent prokýratýrasyna silteme jasap.

- 2017 jyldan bastap memlekettik sot oryndaýshysy Tóleshovten memleket kirisine 1,4 mıllıard teńge óndirip alý týraly atqarýshylyq is júrgizildi. Óndiris materıaldaryn zerdeleı otyryp, kópten beri óndirip ala almaı kelgen JSHS-tiń jarǵylyq kapıtalyna aktıvter retinde berilgen boryshkerdiń múlkin anyqtadyq, - delingen habarlamada.

Qalalyq prokýratýranyń aralasýynan keıin memlekettik sot oryndaýshysy múlikke baǵa berip, sot sheshimimen olardy memleket kirisine ótkizdi.

Osylaısha, atqarýshylyq is júrgizý aıasynda Tóleshovke qatysty sot úkimi oryndaldy jáne boryshkerdiń 1 mlrd 215 mln teńgesi búdjetke aýdaryldy. Úkimniń odan ári oryndalýy baqylaýda.

Toqtar Tóleshov 21 jylǵa bas bostandyǵynan aıyrylǵan. Oǵan memlekettik tóńkeris jasaýǵa talpyndy degen aıyp taǵylǵan. Ol ekonomıkalyq qylmystar boıynsha jáne salyqtan jaltarǵany úshin kináli dep tanylyp, memleketke bir jarym mıllıard teńge tóleýge mindettelgen.

Taǵy oqyńyz:

https://dalanews.kz/46629