- 2017 جىلدان باستاپ مەملەكەتتىك سوت ورىنداۋشىسى تولەشوۆتەن مەملەكەت كىرىسىنە 1،4 ميلليارد تەڭگە ءوندىرىپ الۋ تۋرالى اتقارۋشىلىق ءىس جۇرگىزىلدى. ءوندىرىس ماتەريالدارىن زەردەلەي وتىرىپ، كوپتەن بەرى ءوندىرىپ الا الماي كەلگەن ءجشس-تىڭ جارعىلىق كاپيتالىنا اكتيۆتەر رەتىندە بەرىلگەن بورىشكەردىڭ مۇلكىن انىقتادىق، - دەلىنگەن حابارلامادا.
قالالىق پروكۋراتۋرانىڭ ارالاسۋىنان كەيىن مەملەكەتتىك سوت ورىنداۋشىسى مۇلىككە باعا بەرىپ، سوت شەشىمىمەن ولاردى مەملەكەت كىرىسىنە وتكىزدى.
وسىلايشا، اتقارۋشىلىق ءىس جۇرگىزۋ اياسىندا تولەشوۆكە قاتىستى سوت ۇكىمى ورىندالدى جانە بورىشكەردىڭ 1 ملرد 215 ملن تەڭگەسى بيۋدجەتكە اۋدارىلدى. ۇكىمنىڭ ودان ءارى ورىندالۋى باقىلاۋدا.
توقتار تولەشوۆ 21 جىلعا باس بوستاندىعىنان ايىرىلعان. وعان مەملەكەتتىك توڭكەرىس جاساۋعا تالپىندى دەگەن ايىپ تاعىلعان. ول ەكونوميكالىق قىلمىستار بويىنشا جانە سالىقتان جالتارعانى ءۇشىن كىنالى دەپ تانىلىپ، مەملەكەتكە ءبىر جارىم ميلليارد تەڭگە تولەۋگە مىندەتتەلگەن.
تاعى وقىڭىز:
https://dalanews.kz/46629
