Búgin keshke Memleket basshysy Qasym-Jomart Toqaev Premer-ministr Oljas Bektenovtiń, Ulttyq bank tóraǵasy Timýr Súleimenovtiń jáne basqa da laýazymdy tulǵalardyń qatysýymen jiyn ótkizdi. Jiynda álemdik naryqtaǵy tariftik qaqtyǵystardyń saldarynan energetika resýrstary jáne negizgi taýarlar baǵasynyń quldyraýyna bailanysty el ekonomikasynda qalyptasqan ahýal qaraldy, dep habarlaidy Dalanews.kz Aqordanyń baspasóz qyzmetine silteme jasap.
Memleket basshysy Úkimet pen jergilikti atqarýshy organdardyń is-qimyl josparyn qysqa merzimde aiaqtaýdy tapsyrdy. Bul jumys qarjy-ekonomikalyq daǵdarys kezinde ósimdi jáne tartylatyn investitsiia kólemin tómendetpeýdi kózdeidi.
Qasym-Jomart Toqaev qazirgi asa qolaisyz jaǵdaiǵa qaramastan, elimizdiń ekonomikalyq damýy boiynsha ózi jariialaǵan basymdyqtar, sonyń ishinde iri infraqurylymdyq jobalar, tsifrlandyrý men jasandy intellektini damytý, aýyl sharýashylyǵy men kólik-logistika salasyn jańǵyrtý bastamalary tolyq júzege asyrylatynyn aitty.
Prezident kelesi aptada osy máselege orai arnaiy keńes ótkizýdi josparlap otyr.
Aita ketsek, AQSh pen Qytai arasyndaǵy saýda soǵysy ýshyǵyp, halyqaralyq naryqtarda quldyraýlar oryn alýyna túrtki bolýda. Sonyń ishinde shikizat sektoryna da teris yqpal etip, búgin Brent markaly munaidyń bir barreliniń baǵasy 60 dollardan tómendedi.
