Jer satylmaýy kerek, al jalǵa berý merzimi qysqa bolýy tiis. Bul týraly Jer reformasy jónindegi komissiianyń búgingi otyrysynda ekolog Mels Eleýsizov málimdedi, dep habarlaidy BNews.kz.
«Meni bári asfaltte ósken adam deidi. Olai emes, men aýylda óstim. Sol sebepti aýyl sharýashylyǵy máselesin jaqsy bilemin. Sońǵy 25 jylda shettelde turǵan joqpyn. Sondyqtan naqty usynysym da bar. Osy múmkindikti paidalanyp, men ministrge (aýyl sharýashylyǵy ministri Asqar Myrzahmetovke – avt.) sol revoliýtsiialyq usynystardy kórseteiin dep edim. Biraq dál qazir biz jer máselesin talqylap jatyrmyz», - dep atap ótti ekolog.
Onyń aitýynsha, Murat Áýezov Qazaqstannyń Qytaidaǵy elshisi bolǵan kezde oǵan geografiialyq kartadaǵy Shyǵys Qazaqstan men Almaty oblystarynyń aýmaǵy Qytaidyń jeri retinde kórsetilgen.
«Mine, halyq osydan qorqady. Sol sebepti jerdi jekemenshikke satýǵa jol berýge bolmaidy! Al jalǵa berý merzimi qysqa ári ol memlekettiń qatań baqylaýynda bolýy tiis», - dep túiindedi M.Eleýsizov
