ne qarasty mektepteri ata-analardyń basyn qosyp esepti kezdesýin ótkizdi.
Keshe Jetisý aýdandyq bilim bólimine qarasty M.Jumabaev atyndaǵy №137 orta mekteptiń direktory Láila Baiymbetovanyń esebin tyńdap qaittyq. Syrshyl aqynnyń atyn iemdengen bul mektep ujymy ónerli, bilimdi balalardy tárbielep keledi.
Halyqtyń mektep direktorlarynyń esebine qalmai qatysýyna qaraǵanda qoǵam úshin ákimniń kezdesýinen góri mektep direktorynyń esep berýi zor is ekenin ańǵarǵandai boldyq. Bul rette qoǵamnyń aiaq alysyn jaqsy baǵdarlaityn jas ákim Baýyrjan Baibek qala men oblys basqarǵan ákki ákimderden alǵa ozyp ketkeni anyq. Árbir memlekettik mekeme halyqpen qoian-qoltyq jumys isteýi kerek. Osy rette Baýyrjan Baibektiń mektep pen halyqtyń arasyn jaqyndatýǵa kúsh salýyn oryndy bastama dep qabyldaýǵa bolady.
Jiynnyń shymyldyǵyn túrgen mektep №137 orta mekteptiń direktory Láila Baiymbetova jiynǵan qatysýy tiis 260 ata-ananyń 200-ge jýyǵy jinalǵanyn tilge tiek etti.
10%-dyq ústemaqy retinde (7 307 000 tg) jáne áleýmettik shegerýge jumsaldy. Qalǵanyn jyl aiaǵyna deiin igeremiz. Al jergilikti biýdjetten bólingen qarjattyń 99 416 000 teńgesi igerildi. Memleket tarapynan bólinetin qarjynyń basym bóligi ustazdardyń eńbekaqysyn tóleýge jumsalady. Bul úshin bizdiń mektepke 72 055 000 teńge qarastyrylǵan. Budan keiingi orynda kommýnaldyq tólemder bar. Olarǵa 9 107 000 teńge bólingen. Ústimizdegi jyly mektebimizdiń aǵymdaǵy jóndeýden ótkizýge memleket tarapynan 3,5 mln. teńge bólingen edi. Aǵymdaǵy jóndeý jumysy úshin bólingen qarjy mekteptiń kem-ketigin tolyq jóndeýge jetpeidi. Sondyqtan bizder bul qarjyny tiimdi baǵatta jumsaýǵa tyrysamyz. Osyǵan deiin mektebimizdegi jylý batareialary qatty qysymǵa shydamai jarylyp ketken edi. Sol sebepti bizder birinshi kezekte memlekettik satyp alýdy jeńiske jetken qurylys kompaniiasyna batareialar men qubyrlardy aýystyryp berdi. Sonymen qatar ashananyń tóbesi men qabyrǵasyn aǵartyp aldyq, – dep mektep direktory qarajattyń qaida jumsalǵanyn ret-retimen kópshilikke baiandap berdi. Óz kezeginde ata-analarda qarajattyń durys jumsalǵandaryna kóz jetkizip, jiynnyń mańyzyn túsingenderin aitty.
Ata-analar atynan sóz alǵan Ǵaliia Nurlybaeva muǵalimderdiń jankeshti jumysyn bizdiń qoǵam ádil baǵalaýy kerek ekenin alǵa tartty.
– Osydan birshama ýaqyt buryn Túrkiiaǵa barǵanymda dárigerler men ustazdardyń ai saiyn 2 myń dollar kóleminde ailyq alatynyn estidim. Al bizdiń ustazdar bolsa sol kezde 40-50 myń teńge kóleminde ǵana eńbekaqy mise tutqan edi. Aldaǵy ýaqytta bizder ustazdardyń eńbegin durys baǵalaýymyz kerek. Birimiz bir balaǵa úi tapsyrmasyn oryndatqansha júikelep qalamyz. Al jiyrmadan astam balany bilim nárin seýip otyrǵan ustazdardyń jaǵdaiyn túsinýimiz kerek. Jańa ákim Baýyrjan Baibek myrza mektepte aqsha jinaýǵa tosqaýyl qoiýǵa árekettenip jatqanyn qoldaimyn. Menińshe, memleket mektepterdiń aǵymdaǵy jóndeý jumystaryna bóletin qarjysyn múmkindiginshe kóbeitýi kerek, – dep ata-ana oiyn ortaǵa saldy. Budan keiin de ata-analar kókeide júrgen saýaldaryn mektep direktoryna qoiyp tushymdy jaýap alyp tarqasty.
N.ÁÝBÁKIR.
