Ár halyq óziniń dástúrimen jáne jazylǵan zańdarymen tanymal.  Olardyń keıbireýleri osy kúnge deıin saqtalsa, al keıbireýleri múldem umytylǵan. Balanyń alǵashqy sózderi ár otbasy úshin erekshe mánge ıe.  Alaıda, ejelgi ýaqytta bul is-shara tek týystardy ǵana emes, sonymen qatar bir arnaıy qonaqty da shaqyryp, erekshe túrde toılanǵan.

 Bala alǵashqy sózderdi aıta bastaǵannan-aq, ata-anasy erekshe sheshendikke ıe, aqyldy jáne qurmetti adamdy qonaqqa shaqyrady. Ol sábımen birge arnaıy rásim jasap, balaǵa tanys sózderdi aıtyp jáne qaıtalaǵanda ata-anasy «Balanyń tili shyqty» dep yrymdap «Tilashar» toıyn jasaıdy.

Búgin bul dástúr bizdiń ortalyǵymyzda da ótti.  Bizdiń mamandarmen birge qıyn joldan ótip, alǵashqy sózderdi aıta bastaǵan balalardy jáne olardyń ata-analaryn saltanatty túrde quttyqtaımyz.

Bul is-sharaǵa 16 jyldan beri qor jumysyna belsendi túrde kómektesip kele jatqan jáne ony qurylýyna úles qosqan mesenat Baýyrjan Isabaev  qatysty.

– Bizdiń korporatıvtik qor tórtinshi jyl qatarynan Juldyzaı medısınalyq ortalyǵynda ońaltýdan sátti ótken balalardyń ómirindegi alǵashqy qadamdaryna arnalǵan «Tusaýkeser » rásimin ótkizdi. Osy sharaǵa qatysyp, balalarymyzdyń jetistigin qýana-qýana kórý men úshin úlken mártebe. 4000-nan astam qyzmetkerimiz qoldaıtyn bizdiń korporatıvti qorymyz búgingi kúni balalarymyzdyń densaýlyǵy men ál-aýqatynyń jolynda qozǵaýshy kúsh bolǵanyna qýanyshtymyn, – dedi B. Isabaev.

İs-sharada muǵalimderdiń, logopedterdiń, defektologtardyń jumystaryn kórsetti.  Bizdiń ortalyq jyl saıyn 3000-nan astam balany saýyqtyrady.  713 operasıa ótkizildi, «Tálimgerlik» jobasynyń qoldaýymen 130-dan astam bala «Tusaýkeser» rásimine qatysyp, alǵashqy qadamdaryn jasady.