Bala alǵashqy sózderdi aita bastaǵannan-aq, ata-anasy erekshe sheshendikke ie, aqyldy jáne qurmetti adamdy qonaqqa shaqyrady. Ol sábimen birge arnaiy rásim jasap, balaǵa tanys sózderdi aityp jáne qaitalaǵanda ata-anasy «Balanyń tili shyqty» dep yrymdap «Tilashar» toiyn jasaidy.
Búgin bul dástúr bizdiń ortalyǵymyzda da ótti. Bizdiń mamandarmen birge qiyn joldan ótip, alǵashqy sózderdi aita bastaǵan balalardy jáne olardyń ata-analaryn saltanatty túrde quttyqtaimyz.
Bul is-sharaǵa 16 jyldan beri qor jumysyna belsendi túrde kómektesip kele jatqan jáne ony qurylýyna úles qosqan metsenat Baýyrjan Isabaev qatysty.
Is-sharada muǵalimderdiń, logopedterdiń, defektologtardyń jumystaryn kórsetti. Bizdiń ortalyq jyl saiyn 3000-nan astam balany saýyqtyrady. 713 operatsiia ótkizildi, «Tálimgerlik» jobasynyń qoldaýymen 130-dan astam bala «Tusaýkeser» rásimine qatysyp, alǵashqy qadamdaryn jasady.
