Qazaqstanda meditsinalyq jáne farmatsevtikalyq baqylaý salasynda sybailas jemqorlyq táýekelderine taldaý júrgiziledi, dep habarlaidy Dala News.
Densaýlyq saqtaý ministrliginiń meditsinalyq jáne farmatsevtikalyq baqylaý komitetiniń málimetinshe, tekserý 2026 jylǵy 7 mamyrdan bastalady. Onyń aiasynda saladaǵy ákimshilik kedergiler men jemqorlyqqa ákelýi múmkin táýekelder anyqtalady.
Vedomstvo azamattar men uiymdardy osy baǵytta óz usynystary men málimetterin joldaýǵa shaqyrdy. Aqparatty a.ismukhametov@dsm.gov.kz elektrondy poshtasyna jiberýge bolady. Komitet barlyq málimetterdiń qupiialyǵy men anonimdigi saqtalatynyn atap ótti.
Túsken aqparat sybailas jemqorlyq táýekelderin azaitý boiynsha usynystar ázirleý kezinde paidalanylmaq.
