Ál-Farabi atyndaǵy Qazaq ulttyq ýniversitetinde oqý ordasynyń 90 jyldyǵyna arnalǵan «Turaqty damý jáne tsifrlyq transformatsiia jaǵdaiyndaǵy daýlardy balamaly sheshý» atty halyqaralyq dóńgelek ústel otyrysy ótti.
Dóńgelek ústel jumysyna Ál-Farabi atyndaǵy QazUÝ basshylyǵy, QR Ádilet ministrliginiń, QR Mádeniet jáne aqparat ministrligi, Almaty qalasy ádilet departamenti, Almaty qalasy politsiia departamenti, Qazaqstan mediatorlary men zańgerleriniń qoǵamdyq birlestigi, «Atameken» QR UKP Tórelik ortalyǵynyń ókilderi, Almaty oblystyq jáne qalalyq advokattar alqasynyń, zań konsýltanttary palatasynyń jáne JOO men ǴZI qyzmetkerleri qatysty.
Jiynnyń maqsaty – turaqty damý jáne tsifrlyq transformatsiia jaǵdaiynda daýlardy sheshýdiń balamaly tásilderin qoldanýdyń ózekti máselelerin talqylaýǵa arnaldy.
Basqosýda Basqarma Tóraǵasynyń orynbasary – birinshi prorektor m.a., zań ǵylymynyń doktory, professor Erkin Dúisenov sóz alyp, daýlardy balamaly sheshý institýtyn qazaqstandyq quqyqtyq júiege integratsiialaý protsesi tolyqqandy aiaqtalmaǵanyn aitty. Ol «Búgingi tańda bul institýt turaqty damýdyń jahandyq maqsattaryna sáikes halyqtyń áleýetin eskere otyryp, quqyqtyq bazany teoriialyq turǵydan túsinýdi, jetildirýdi talap etedi», – dep atap ótti prorektor.
Qyrǵyz Respýblikasy ádilet ministriniń orynbasary Orozbek Sydyqov Qyrǵyzstandaǵy daýlar men mediatsiiany balamaly sheshýdiń erekshelikterin atap ótti. «Kóshpeli halyqtar arasyndaǵy mediatsiia jańa qubylys emes. Shoqan Ýálihanov qyrǵyz bileri dástúrli quqyqqa súiene otyryp, barlyq sot daýlardy sheshedi dep jazdy. Osyǵan qarap qyrǵyzdar men qazaqtar daýlardy sot talqylaýyna jetkizbei retteý ádisterin qoldandy. Daýly máseleler ata-baba dástúri negizinde sheshildi», – dedi Orozbek Qadyrbekuly.
Dóńgelek ústel otyrysynda Almaty qalasy ádilet departamentiniń basshysy Balaiym Kesebaeva, «Adam jáne quqyq» mediatorlar jáne zańgerler odaǵy» respýblikalyq qoǵamdyq birlestiginiń prezidenti Ulbara Jirembaeva, Ál-Farabi atyndaǵy QazUÝ zań fakýltetiniń dekany, zań ǵylymynyń kandidaty, professor Ýálihan Ahatov, «Atameken» QR UKP Tórelik ortalyǵynyń atqarýshy direktory Asqar Qaldybaev jáne basqa da qatysýshylar sóz sóiledi.
Dóńgelek ústel otyrysynyń qorytyndysy boiynsha qatysýshylar turaqty damýdyń jahandyq maqsattaryn eskere otyryp, daýlardy balamaly sheshý salasyndaǵy zańnamany jáne quqyq qoldaný praktikasyn jetildirý boiynsha usynystar men usynymdardy birlesip daiyndaý týraly sheshim qabyldady.
Ál-Farabi atyndaǵy QazUÝ-dyń Baspasóz qyzmeti
