Búgin Májiliste depýtattar ekologiia, tehnikalyq jáne kásiptik bilim berý, kóshi-qon, tsifrlandyrý men jol qaýipsizdigine qatysty birqatar mańyzdy zań jobalaryn qaraidy, dep habarlaidy dalanews.kz.
Birinshi oqylymda depýtattar bastamashylyq etken ekologiia máseleleri, tehnikalyq jáne kásiptik bilim berý, sondai-aq halyqtyń kóshi-qonyna qatysty zań jobalary talqylanady.
Al ekinshi oqylymda jol qaýipsizdigin tsifrlandyrý jáne júrgizýshilerdi daiarlaý salasyndaǵy kásipkerlik qyzmetke qatysty túzetýler qaralady.
Buǵan deiin depýtat Ekaterina Smyshliaeva bul zań jobasy júrgizýshilerdi daiarlaý júiesin jetildirý jáne zamanaýi tsifrlyq quraldardy engizý arqyly jol qaýipsizdigin arttyrýǵa baǵyttalǵanyn aitqan.
Qujattaǵy negizgi ózgeristerdiń biri — avtomektepterge memlekettik baqylaýdy kúsheitý.
Endi avtomektepterdiń qyzmeti ruqsat berý tártibi arqyly rettelmek. Ol úshin «Ruqsattar jáne habarlamalar týraly» zańǵa ózgerister engiziledi.
Ruqsat alý úshin avtomektepterde materialdyq-tehnikalyq baza, arnaiy oqý alańdary, kólik quraldary jáne bilikti oqytýshylar quramy bolýy mindetteledi.
Sonymen qatar Májilis telekommýnikatsiia naryǵy men derekterdi óńdeý ortalyqtaryn damytýǵa qatysty zań jobasyn da qaraidy.
Túzetýlerdiń alǵashqy blogynda eGov, e-Otinish, Aitu ulttyq messendjeri sekildi áleýmettik mańyzy bar tsifrlyq servisterge tarifsiz qoljetimdilik engizý usynylǵan.
Iaǵni azamattar bul servisterdi internet balansynda qarajat bolmasa da paidalana alady.
Ekinshi blok telekommýnikatsiialyq infraqurylymdy damytýǵa baǵyttalǵan.
Atap aitqanda, radiojiilik spektrin paidalaný ruqsatynyń merzimi engizilip, jiilikterdi tiimdi bólý jáne olardyń bos turyp qalýyn boldyrmaý kózdelip otyr.
Úshinshi blok telekommýnikatsiialyq infraqurylymdy qorǵaý jáne internet-alaiaqtyqpen kúres máselelerin qamtidy.
Zań jobasyna sáikes, derekterdi óńdeý ortalyqtaryn strategiialyq nysandar qataryna engizý usynylǵan. Sonymen qatar olardy salý men paidalanýǵa berý kezinde habarlama tártibi engiziledi.
Budan bólek, depýtattar mashina jasaý salasyn damytý, ańshylyq sharýashylyǵy men janýarlar dúniesin saqtaý, reitingtik qyzmet máselelerine qatysty zań jobalaryn da qaraidy.
Májiliste Qazaqstanda Ortalyq Aziia men Aýǵanstanǵa arnalǵan BUU-nyń Turaqty damý maqsattary jónindegi óńirlik ortalyǵyn qurý týraly kelisimdi ratifikatsiialaý máselesi de qaralady.
Sondai-aq Qazaqstan men Ózbekstan arasyndaǵy memlekettik shekara rejimi týraly kelisim, arnaiy mekemelerdiń artyqshylyqtary men immýnitetteri týraly konventsiiaǵa qatysty zań jobalary kún tártibine shyǵarylǵan.
Odan bólek, Qazaqstan men Qyrǵyzstan arasyndaǵy Astana men Bishkekte elshilikter men elshiler rezidentsiialaryna arnalǵan ǵimarattar men jer telimderin ózara óteýsiz paidalaný týraly úkimetaralyq kelisimdi ratifikatsiialaý jobasy Májilis jumysyna qabyldanady.
