"Maiqaiyńaltyn" AQ aýmaǵynda jer astyna qulap ketken avtobýsty izdestirý jumystary qaýipti jaǵdaida júrgizilip jatyr. Pavlodar oblysy TJD baspasóz qyzmeti málimetinshe, komissiia aldaǵy ýaqytta qutqarý jumystaryn júrgizý múmkindigin zerdeleidi, dep habarlaidy Dalanews.kz.
"Shuńqyr túbindegi georadarlyq profilderdi skanerleý nátijesi boiynsha, topyraq qurylymy ózgerip, álsiregeni anyqtaldy. Nysandardyń janynda da, astynda da qýystar men bos oryndar bar. Opyrylý jáne topyraqtyń syrǵý qaýpi óte joǵary", - dep túsindirdi Pavlodar oblysy Tótenshe jaǵdailar departamentiniń baspasóz qyzmeti.
Shuńqyr túbindegi ekskavator men mamandar 4 aqpanda burynǵy rejimde jumys istedi. Biraq opyrylý qaýpi áli de bar.
"Qazirgi ýaqytta opyrýdyń barlyq perimetrin zertteý úshin komissiia qurylyp jatyr, komissiia odan ári jumys júrgizýge ruqsat etý-etpeýdi anyqtaý úshin taý-ken massasyn zertteidi", - dep qorytyndylady vedomstvonyń baspasóz qyzmeti.
