Avtobýs qulaǵan "Maiqaiyń-altyn" AQ kenishiniń ornynda qutqarý jumystary qaita jandandy, dep habarlaidy Dalanews.kz.
"Taý-ken jumystary táýlik boiy júrgizilip, shuńqyr ainalasyna qorshaý úshin qashaý júrgiziledi, taý-ken injenerlik jumystaryna daiyndyq júrgizilýde", - dep túsindirdi Pavlodar oblysy tótenshe jaǵdailar departamenti.
Qutqarýshylar men kenish ieleri aýyr tehnikanyń kómegimen búiir transheialardy keńeitip, opyrylǵan jerdiń túbine deiin appareldi tereńdetip jatyr.
Bul jumystardyń barlyǵyn altyn óndirýshi kompaniia atqarady. Qutqarýshylar da tótenshe jaǵdai ornynda júr.
"Qazir opyrylǵan jerdiń túbine tehnikanyń qaýipsiz ótýin daiyndaý maqsatynda daiyndyq sharalary júrgizilýde. Buǵan kásiporynnyń ózi jaýapty. Osy jumystar aiaqtalǵannan keiin izdestirý-qutqarý jumystary qaita jalǵasady", - dedi vedomstvo.
Eske salaiyq,Maiqaiyń kenishi shahtasynyń mańynda avtobýs tazartý keńistigine qulap ketken. Apat kezinde onda tórt adam bolǵan. Dál sol kúni ekeýiniń denesi tabyldy.
