Kezdesý barysynda Agenttik ókilderi qatysýshylardyń nazaryn «Adaldyq alańy» jobasynyń mańyzdylyǵyna aýdardy, bul joba elimizdiń sybailas jemqorlyqqa qarsy qozǵalysynyń ortalyǵy bolyp tabylatynyn atap ótti.
– Jergilikti atqarýshy organdar halyqpen tikelei ózara is-qimyldy jáne bailanysty ornata alý qabileti, turǵyndardyń ózekti máseleleri boiynsha der kezinde sheshim qabyldai bilýi ákimdik qyzmetiniń basty baǵyty bolýy qajet, – dep atap ótti Agenttik Tóraǵasynyń keńesshisi Jazira Jylqyshieva.
Kezdesýge qatysýshylar óz tájiribelerimen bólisip, turmystyq sybailas jemqorlyqqa qarsy is-qimyldyń jáne memlekettik qyzmet kórsetý sapasyn arttyrýdyń jańa ádisterin usyndy.
Kezdesýde qoǵam qairatkeri, jazýshy Sádibek Túgel qoǵamda dástúrli halyq qundylyqtaryn dáripteý, ainalasyndaǵylarǵa qurmet kórsetý, bilim men eńbekke umtylý qajettigin atap ótti.
– Bizdiń qyzmetimizdegi mańyzdy aspekt azamattyq qoǵammen ózara is-qimyl bolyp tabylady. Búgingi kúni Ashyq ortalyqtar elimizdiń, qalamyzdyń qurmetti azamattary men shyǵarmashyl ziialy qaýym ókilderiniń igiligi úshin igi ideialar men bastamalardy tartý núktelerine ainalady dep oilaimyn, – dep oiyn ortaǵa saldy.
Kezdesý qorytyndysy boiynsha óńir basshysy Agenttiktiń ashyqtyq qaǵidattary men parasattylyq ideologiiasyn ilgeriletý jónindegi barlyq bastamalaryn qoldady.
