كەزدەسۋ بارىسىندا اگەنتتىك وكىلدەرى قاتىسۋشىلاردىڭ نازارىن «ادالدىق الاڭى» جوباسىنىڭ ماڭىزدىلىعىنا اۋداردى، بۇل جوبا ەلىمىزدىڭ سىبايلاس جەمقورلىققا قارسى قوزعالىسىنىڭ ورتالىعى بولىپ تابىلاتىنىن اتاپ ءوتتى.
– جەرگىلىكتى اتقارۋشى ورگاندار حالىقپەن تىكەلەي ءوزارا ءىس-قيمىلدى جانە بايلانىستى ورناتا الۋ قابىلەتى، تۇرعىنداردىڭ وزەكتى ماسەلەلەرى بويىنشا دەر كەزىندە شەشىم قابىلداي ءبىلۋى اكىمدىك قىزمەتىنىڭ باستى باعىتى بولۋى قاجەت، – دەپ اتاپ ءوتتى اگەنتتىك ءتوراعاسىنىڭ كەڭەسشىسى جازيرا جىلقىشييەۆا.
كەزدەسۋگە قاتىسۋشىلار ءوز تاجىريبەلەرىمەن ءبولىسىپ، تۇرمىستىق سىبايلاس جەمقورلىققا قارسى ءىس-قيمىلدىڭ جانە مەملەكەتتىك قىزمەت كورسەتۋ ساپاسىن ارتتىرۋدىڭ جاڭا ادىستەرىن ۇسىندى.
كەزدەسۋدە قوعام قايراتكەرى، جازۋشى سادىبەك تۇگەل قوعامدا ءداستۇرلى حالىق قۇندىلىقتارىن دارىپتەۋ، اينالاسىنداعىلارعا قۇرمەت كورسەتۋ، ءبىلىم مەن ەڭبەككە ۇمتىلۋ قاجەتتىگىن اتاپ ءوتتى.
– ءبىزدىڭ قىزمەتىمىزدەگى ماڭىزدى اسپەكت ازاماتتىق قوعاممەن ءوزارا ءىس-قيمىل بولىپ تابىلادى. بۇگىنگى كۇنى اشىق ورتالىقتار ەلىمىزدىڭ، قالامىزدىڭ قۇرمەتتى ازاماتتارى مەن شىعارماشىل زيالى قاۋىم وكىلدەرىنىڭ يگىلىگى ءۇشىن يگى يدەيالار مەن باستامالاردى تارتۋ نۇكتەلەرىنە اينالادى دەپ ويلايمىن، – دەپ ويىن ورتاعا سالدى.
كەزدەسۋ قورىتىندىسى بويىنشا ءوڭىر باسشىسى اگەنتتىكتىڭ اشىقتىق قاعيداتتارى مەن پاراساتتىلىق يدەولوگياسىن ىلگەرىلەتۋ جونىندەگى بارلىق باستامالارىن قولدادى.
