Shymkentte burynǵy erli-zaiyptylar toi syilyqtaryn bóle almaǵany úshin daýly is sotqa deiin jetti, dep habarlaidy Dalanews.kz.
Toida berilgen syilyqtardy burynǵy kúieýi qaitarmai júr dep, sotqa aryzdy áiel adam bergen. Áieldiń aitýynsha, syilyqtardyń jalpy quny 2 435 000 teńgeni quraǵan. Aita ketsek, burynǵy kúieýi bul talaptardy moiyndamaǵan.
Buǵan deiin kámeletke tolmaǵandar isteri jónindegi mamandandyrylǵan aýdanaralyq sot talapty qanaǵattandyrǵan bolatyn. Sol kezde jaýapkerden 2 435 000 teńge, ókilge tólenetin 100 000 teńge shyǵyn jáne 24 350 teńge memlekettik baj óndirilgen.
Alaida apelliatsiia kezeńinde taraptar daýdy jalǵastyrmaýǵa sheshim qabyldap, mediatsiia tártibimen kelisimge keldi.
“Talapker óz talaptarynan bas tartty. Al jaýapker onyń qolynda qalǵan múlik úshin eki apta ishinde talapkerge 200 000 teńge tóleýge mindettendi. Alqa mediatsiia tártibimen daýdy retteý týraly kelisimdi bekitip, isti qaraýdy toqtatty”, — dep habarlady sot.
Kelisim sharttaryna sáikes, talapker barlyq talaptarynan bas tartqan, al jaýapker onyń qolynda qalǵan múlik úshin eki aptanyń ishinde 200 000 teńge tóleýge mindetteldi. Sonymen birge áieldiń buǵan deiin tólegen memlekettik bajy ózine qaitaryldy.
