Ondaǵan urpaqtyń balalyq shaǵynyń súıikti keıipkeri – Maýglı tuńǵysh ret qazaq tilinde sóılemek. «Knıga Djýngleı»/«Jýnglı kitaby» adamzat óte almaıtyn ný orman arasynda, qasqyrlarmen arpalysyp, ańdarmen qatar júrip, shyńdalǵan, kishkentaı adam balasy týraly epıkalyq shytyrman oqıǵaly jańa kınofılm. Akela, aıý Balý, pantera Bagıra - árqaısysy qorǵansyz qalǵan Maýglıǵa jýnglıdiń kúrdeli zańyn úırenýge, ań, qus jáne jylan tilin túsinýge kómektesedi.
Dýblájdaý jumystary otandyq «Aray Media Group» kásibı dybys jazý stýdıasynda, al aqtyq dýblájdaý jumystary Londondaǵy «Shepperton» stýdıasynda iske asyryldy. Dýblájdyń sapasyna siz kınoteatrlarda seans aldynda sonymen qatar ınternet jelilerine júktelgen fılm treılerin qarap baǵa bere alasyz.
Dýblájdyń rejıseri – Aıjan Jamshıtova. Ol budan buryn jasalǵan «Kúlbıke», «Malefısenta», «Kólikter» jáne ózge de anımasıalyq fılmderdiń dýblájdaryna qatysyp, mol tájirıbe jınaqtaǵan.
Dýblájdaý jumystaryna on tórtten joǵary qazaqstandyq akterlar tartyldy. «Knıga Djýngleı»/«Jýnglı kitabynyń» basty keıipkerlerine Bekbolat Qurmanǵojaev (Bagıra), Islam Zeınollaev (Sher-Han), Aınur Bermaǵanbetova (Kaa), Aqarys Óteýlov (Maýglı) syndy óner maıtalmandary ózderiniń daýystaryn syılady.
Dısneı stýdıasy osyǵan deıin «Jýnglı kitabynyń» negizinde tuńǵysh ret 1967 jyly usynǵan klasıkaly anımasıalyq fılm sújetinen bastalǵan oqıǵany jańa "Jýnglı kitaby" kórkem fılmine aınaldyrady.
Óte qaýipti, azýy alty qarys jolbarys Sherhanmen úzdiksiz kúres júrgizip kele jatqan Maýglı, qasqyrlar úıirin tastap ketip, jańa ómir bastaýǵa májbúr bolady. Ony alda pantera Bagıra, aıý Balý, pıton Kaa jáne ózge de jýnglıdiń ný ormanynda ómir súretin janýarlarmen qyzyq ta, qıyn jol kútip turǵan bolatyn.
Disney stýdıasynyń "Jýnglı kitaby" atty jańa shytyrman oqıǵaǵa toly fılmdi túsirý barysynda zamanaýı tehnologıalar, fotorealıstik janýarlar sýretteri qoldanyldy. Bul óz kezeginde kórermenderge jabaıy tabıǵattyń tylsym kórinisterin kóz aldyna barynsha shynaıy elestetýge jáne Maýglıdiń shytyrmanǵa toly erlik isterine kýá bolýǵa múmkindik beredi.
- Maýglıdiń róline myńdaǵan úmitkerlerdiń ishinen on jastaǵy Nıl Sethı tańdalyp alyndy.
- 1890 jyldardyń basynda Vermont qalasynda jazýshy Redárd Kıplıng qysqa áńgimelermen jumys jasaı otyryp ony "Jýnglı kitaby" shyǵarmalar jınaǵyna toptastyrdy.
Joba uıymdastyrýshylary: «Bolashaq» Qaýymdastyǵy, Almaty qalasy ákimshiliginiń jáne «Meloman» kompanıasynyń qoldaýymen.
Jobanyń bas demeýshileri: «Bank RBK» AQ, «Exclusive Stroy» JSHS.
Anyqtama:
Túpnusqany dybystaǵan akterlar: Ben Kıngslı, Skarlett Iohansson, Bıll Múrreı, Krıstofer Ýoken, Lýpıta Nıongo, Idrıs Elba.
