Osynaý saltanatty sharaǵa Bilim jáne ǵylym mınıstri Erlan Saǵadıev, Túrkistan oblysynyń ákimi Janseıit Túımebaev, oqý oryn basshylary men stýdentter jáne túrli salada eseli eńbekterimen el abyroıyn asqaqtatyp júrgen ýnıversıtet túlekteri qatysty.
Shara barysynda belsendi qoǵamdyq qyzmeti jáne bilim berý men tárbıe isi prosesterin uıymdastyrýda eńbek etken ýnıversıtettiń birqatar qyzmetkerleri «Ybyraı Altynsarın», «Ǵylymdy damytýǵa sińirgen eńbegi úshin», «Bilim berý isiniń qurmetti qyzmetkeri», «Eńbek ardageri» tósbelgilerimen, sondaı-aq oblys jáne qala ákimderiniń alǵys hattarymen marapattaldy.
Sonymen qatar, elimizdiń ıgi isteri men jańashyl bastamalarynyń aldyńǵy sapynan tabylyp júrgen oqý orynnyń túlekteri –QR Ulttyq Ǵylymdar Akademıasynyń prezıdenti, tehnıka ǵylymdarynyń doktory, profesor, akademık M.Jurynovqa, ekonomıka ǵylymdarynyń kandıdaty, 1973 jyldan QazHTI komsomol komıtetiniń hatshysy, qoǵam qaıratkeri, 1993-1997 jyldary OQO ákimi qyzmetin atqarǵan Z.Turysbekovke jáne birqatar memleket jáne qoǵam qaıratkerlerine erekshe qurmet kórsetildi.
Aıta keteıik, Shymkent qalasyndaǵy atalǵan bilim ordasy 1943 jyly qurylys materıaldary tehnologıalyq ınstıtýty bolyp qurylǵan.
Qazirgi tańda, munda 1700 oqytýshy-professor, 136 ǵylym doktor, 646 ǵylym kandıdaty men dosent 20 myńnan astam shákirtke dáris berip keledi. 75 jylda ýversıtetten 100 myńǵa jýyq stýdent túlep ushqan.
