Sóitsek Baiden AQSh-tyń 2022 jylǵa arnalǵan biýdjetiniń jobasyn usynypty. Bul biýdjet buryn-sońdy bolmaǵan rekordtyq biýdjet eken – 6 trln dollar! Endi osynyń Pentagonǵa bólingen aqshasyn qaraiyq.
Áskeri salaǵa $753 mlrd bólingeli otyr, bul Ekinshi Dúniejúzilik soǵys zamanynan bergi bólinip otyrǵan asa iri, rekordtyq qarajat eken. Sonymen, Pentagonnyń investitsiialyq baǵdarlamasyna mynadai qarjy bólinetin bolypty:
- Iadrolyq kúshterdi modernizatsiialaýǵa - $27,7 mlrd;
- Zymyranǵa qarsy qorǵanys sistemasyna - $20,4 mlrd;
- Alysqa atatyn (joiý aimaǵy radiýsy 100km-den astam) artilleriia sistemasyn jasaýǵa - $6,6 mlrd;
- ÁÁK joiǵyshtyǵyn arttyrýǵa $52,4 mlrd jáne ÁTK $34,6 mlrd;
- Kiberoperatsiialarǵa $10 mlrd-tan astam;
- $112 mlrd áskeri zertteýler men daiyndaýlarǵa arnalǵan;
- Strategiialyq kózge túspes bombalaýshy B-21 Raider-ge - $3 mlrd;
- "Kolýmbiia" ballistikalyq zymyrandary bar súńgýir sýbmarinderge - $5 mlrd;
- LRSO alysqa atatyn zymyrandarǵa - $609 mln;
- AEGIS BMD teńizdik bazadaǵy zymyranǵa qarsy qorǵanys sistemasyna - $1 mlrd;
- Raketa-perehvatchikterdiń jańa urpaǵyna - $1,7 mlrd;
- 85 F-35 joiǵysh ushaǵyna - $12 mlrd;
- 14 KC-46 Pegasus zapravshik ushaǵyna - $2,5 mlrd;
- 30 AH-64E Apache tikushaǵyna - $825 mln;
- Salynyp jatqan "Jerald R. Ford" aviatasyǵyshyna - $2,9 mlrd;
- Eki atom "Virjiniia" sýbmarinine - $6,9 mlrd;
- "Arli Berk" raketalyq esmintsine - $2,4 mlrd.
- Barlyq áskerilerge jalaqysyn 2,7%-ge kóterýge.
Munyń bári Qytai men Reseidiń áskeri qorqytýlaryna qarsy áreketter, óitkeni Qorǵanys ministri Ostinniń aitýy boiynsha basty qaýip osy eki elden keledi. Buǵan Reseidiń reaktsiiasy qandai ekenin joǵaryda aittyq, deidi sarapshy.
