Krokýs Siti Holl ǵimaratynda terakt uiymdastyrdy degen kúdikpen Qyrǵyzstan týmasy ustaldy, dep habarlaidy Dalanews.kz.
Máskeýdiń Basmannyi aýdandyq soty Álisher Kasimovqa qatysty bultartpaý sharasyn qarastyrdy.
"Basmannyi aýdandyq soty RF Qylmystyq kodeksiniń 205-baby 3-bóliginiń "b" tarmaǵynda kózdelgen qylmysty jasady dep aiyptalǵan Qyrǵyz Respýblikasynyń týmasy Alisher Hatamovich Kasimovqa qatysty bultartpaý sharasyn tańdady ( Tergeýshiniń A.H. Kasimovqa qatysty bir ai 27 táýlikke, iaǵni 2024 jyldyń 22 mamyryna deiin qamaýǵa alý túrindegi bultartpaý sharasyn tańdaý týraly ótinishin sot qanaǵattandyrdy", - delingen habarlamada.
Tergeý málimetteri boiynsha, ol ustalǵan kúdiktilerge páterdi jalǵa bergen. Al Qasymov ózi páter ótkizetin “Avito” qyzmeti arqyly ǵana olarmen bailanysta bolǵanyn jetkizdi.
Eske salaiyq, buǵan deiin Reseidiń Tergeý komiteti terroristerdiń boljamdy úsh sybailasyn tutqyndaýdy suraǵan bolatyn. Osylaisha olarǵa qatysty is materialdary Basman sotyna tústi.
Mash arnasy olardyń esimderin jariia etti.
"Olar - Aminchon, Dilovar jáne Isroil Islomovtar (ákesi men eki aǵaiyndy). Olar terroristerge kómek, bailanys, logistika uiymdastyrdy degen kúdikke ilindi", - dep jazylǵan arna málimetinde.
Keiinirek olar Basman sotyna jetkizildi.
Derekterge súiensek, Dilovar Islomov 1 ai 29 kúnge qamaýǵa alyndy. Ol 22 mamyrǵa deiin tergeý izoliatorynda bolady.
"Terroristerdiń biri Shamsidin Faridýni 2024 jyly naýryzdyń basynda Aminchon men Dilovar Islomovtardy shabýyl uiymdastyrýǵa tartqan.
