Máskeýdegi “Krokýs Siti Holldaǵy” lańkestik saldarynan qaza tapqan adamdar men jaralanǵandar sany artyp jatyr, dep habarlaidy Dalanews.kz.
“RF Tótenshe jaǵdailar ministrliginiń Máskeý oblysy boiynsha shtab-páteriniń jańartylǵan málimetteri boiynsha “Krokýs siti holldaǵy” terakt saldarynan zardap shekkender sany 152-ge jetti”, - dep jazdy TASS.
Buǵan deiin Densaýlyq saqtaý ministrligi 147 adam zardap shekkenin habarlaǵan.
Tótenshe jaǵdailar ministrliginiń qutqarýshylary úiindilerdi tazalaý jumystaryn jalǵastyryp jatyr. Túnde jumysqa aýyr tehnikalar qosyldy.
Eske salaiyq, 22 naýryzda Máskeý men Máskeý oblysyndaǵy eń úlken kontsert zaldarynyń biri Krokýs Siti Hollda bir top er adam avtomattan oq jaýdyryp, keiin órt shyqqan. Saldarynan qaza tapqan beibit turǵyndardyń sany 143-ke jetti.
Reseide 24 naýryz Jalpyulttyq aza tutý kúni retinde jariialandy.
