ماسكەۋدەگى “كروكۋس سيتي حوللداعى” لاڭكەستىك سالدارىنان قازا تاپقان ادامدار مەن جارالانعاندار سانى ارتىپ جاتىر، دەپ حابارلايدى Dalanews.kz.
“رف توتەنشە جاعدايلار مينيسترلىگىنىڭ ماسكەۋ وبلىسى بويىنشا شتاب-پاتەرىنىڭ جاڭارتىلعان مالىمەتتەرى بويىنشا “كروكۋس سيتي حوللداعى” تەراكت سالدارىنان زارداپ شەككەندەر سانى 152-گە جەتتى”، - دەپ جازدى تاسس.
بۇعان دەيىن دەنساۋلىق ساقتاۋ مينيسترلىگى 147 ادام زارداپ شەككەنىن حابارلاعان.
توتەنشە جاعدايلار مينيسترلىگىنىڭ قۇتقارۋشىلارى ۇيىندىلەردى تازالاۋ جۇمىستارىن جالعاستىرىپ جاتىر. تۇندە جۇمىسقا اۋىر تەحنيكالار قوسىلدى.
ەسكە سالايىق، 22 ناۋرىزدا ماسكەۋ مەن ماسكەۋ وبلىسىنداعى ەڭ ۇلكەن كونسەرت زالدارىنىڭ ءبىرى كروكۋس سيتي حوللدا ءبىر توپ ەر ادام اۆتوماتتان وق جاۋدىرىپ، كەيىن ءورت شىققان. سالدارىنان قازا تاپقان بەيبىت تۇرعىنداردىڭ سانى 143-كە جەتتى.
رەسەيدە 24 ناۋرىز جالپىۇلتتىق ازا تۇتۋ كۇنى رەتىندە جاريالاندى.
