Máskeýde órtengen baspa basshysy qaza tapqandardyń zańsyz jumys istegenin moiyndaidy dep habarlady onyń advoaty Elena Zvezdina. Órtten 17 adam kóz jumdy. Olardyń 14-i Qyrǵyzstan azamaty.
"Qaitys bolǵan qyzdar bir rettik jumystarǵa tartylǵan. Meniń qorǵalýshym jumysshylardy patentsiz alǵanyn moiyndaidy. Ol aiyppul tólep, qaitys bolǵandardyń týystaryna ótemaqy tóleýge daiyn. Ol bastapqyda tergeýden qashty. Sebebi áriptesteri arqyly ótemaqy máselesin sheshýge tyrysty. Úsh adam aqsha aldy", -dedi advokat.
Ol sonymen birge baspa direktory Sergei Moskvin aiybyn tolyǵymen moiyndaǵanyn, qaiǵyly oqiǵa oryn alǵanyn, oǵan qorǵalýshysynyń aiypty emes ekenin atap ótti.
Munan bólek ol baspa qaýipsizdigine bas injener jaýapty ekenin aitady. Qaiǵyly oqiǵadan keiin bas injenerge federaldy izdeý jariialandy. Taiaý arada Máskeýdiń Ostankin soty kásipkerdiń bultarpaý sharalary máselesi boiynsha sheshim shyǵarady.
Resei Bas prokýratýrasynyń málimetinshe, órtten qaza tapqan qyrǵyz qyzdarynyń tek ekeýi ǵana Reseige zańdy túrde kelip, Máskeýde tirkelgen. Al baspany órtke qarsy qyzmet tórt jyl boiynda tekserýden ótkizbegen.
