مەسكەۋدە ٶرتەنگەن باسپا باسشىسى قازا تاپقانداردىڭ زاڭسىز جۇمىس ٸستەگەنٸن مويىندايدى دەپ حابارلادى ونىڭ ادۆواتى ەلەنا زۆەزدينا. ٶرتتەن 17 ادام كٶز جۇمدى. ولاردىڭ 14-ٸ قىرعىزستان ازاماتى.
"قايتىس بولعان قىزدار بٸر رەتتٸك جۇمىستارعا تارتىلعان. مەنٸڭ قورعالۋشىم جۇمىسشىلاردى پاتەنتسٸز العانىن مويىندايدى. ول ايىپپۇل تٶلەپ, قايتىس بولعانداردىڭ تۋىستارىنا ٶتەماقى تٶلەۋگە دايىن. ول باستاپقىدا تەرگەۋدەن قاشتى. سەبەبٸ ەرٸپتەستەرٸ ارقىلى ٶتەماقى مەسەلەسٸن شەشۋگە تىرىستى. ٷش ادام اقشا الدى", -دەدٸ ادۆوكات.
ول سونىمەن بٸرگە باسپا ديرەكتورى سەرگەي موسكۆين ايىبىن تولىعىمەن مويىنداعانىن, قايعىلى وقيعا ورىن العانىن, وعان قورعالۋشىسىنىڭ ايىپتى ەمەس ەكەنٸن اتاپ ٶتتٸ.
مۇنان بٶلەك ول باسپا قاۋٸپسٸزدٸگٸنە باس ينجەنەر جاۋاپتى ەكەنٸن ايتادى. قايعىلى وقيعادان كەيٸن باس ينجەنەرگە فەدەرالدى ٸزدەۋ جارييالاندى. تاياۋ ارادا مەسكەۋدٸڭ وستانكين سوتى كەسٸپكەردٸڭ بۇلتارپاۋ شارالارى مەسەلەسٸ بويىنشا شەشٸم شىعارادى.
رەسەي باس پروكۋراتۋراسىنىڭ مەلٸمەتٸنشە, ٶرتتەن قازا تاپقان قىرعىز قىزدارىنىڭ تەك ەكەۋٸ عانا رەسەيگە زاڭدى تٷردە كەلٸپ, مەسكەۋدە تٸركەلگەن. ال باسپانى ٶرتكە قارسى قىزمەت تٶرت جىل بويىندا تەكسەرۋدەن ٶتكٸزبەگەن.
