Kárim Másimovtiń Astanadaǵy záýlim saraiynyń taǵdyry sheshildi, - dep habarlaidy Dalanews.kz.
Ulttyq qaýipsizdik komitetiniń burynǵy tóraǵasy, burynǵy premer-ministr Kárim Másimovtiń Astanadaǵy úii áleýmettik qajettilikke bailanysty aýktsionnan alynyp tastaldy. Bul týraly Qaitarylǵan aktivterdi basqarý kompaniiasy málimdedi
Úi qalanyń áleýmettik qajettiligi úshin satylymnan alynǵan.
"2025 jylǵy 18 sáýirde "Qaitarylǵan aktivterdi basqarý kompaniiasy" JShS memlekettik múlik tiziliminiń veb portalyna Astana qalasy Nura aýdany Qaraótkel shaǵynaýdany Ereimentaý kóshesi, 1-úi mekenjaiynda ornalasqan, jertólesi bar turǵyn úidi elektron saýda arqyly satý týraly habarlama jariialady. Nysannyń bastapqy baǵasy 1 685 115 000 teńge boldy. Alaida basqarýshy kompaniia atyna Astana ákimdiginen bul jyljymaityn múlikti qalanyń áleýmettik qajettiligine berý týraly resmi suranys kelip tústi. Áleýmettik mańyzyn jáne zańnama talaptaryn eskere otyryp, bul nysan elektron saýda josparynan alyndy", - dep jazylǵan habarlamada.
Nysandy ári qarai paidalaný máselesi jergilikti atqarýshy organnyń múddelerin eskere otyryp, belgilengen tártippen sheshilmek.
Aita keteiik, buǵan deiin tiisti lot E-Qazyna elektron saýda alańynyń saitynda jariialanǵan edi. Jertólesi bar turǵyn úi elordanyń Nura aýdanynda ornalasqan. Jalpy aýdany 2877,7 sharshy metr bolatyn eki qabatty úi.
Úige ártúrli aýmaqtaǵy birneshe jer ýchaskesi kiredi, olardyń birinde garaj ornalasqan. Úi 879 dana múlikpen birge satylatyny aityldy. Olardyń arasynda jihaz, turmystyq zattar, zergerlik buiymdar, kollektsiialyq monetalar, kádesyi retindegi qarýlar bar.
