Astanada ótken aýqymdy qaiyrymdylyq marafonynda premer-ministr Kárim Másimovtiń kigen sporttyq kiimi jeli qoldanýshylarynyń kóńilin kóterip tastady dep habarlaidy NUR.KZ.
Astanada 4 qyrkúiek kúni ótken bul marafonǵa 4500 adam, onyń ishinde álem elderinen 25 sportshy qatysqan. Sondai-aq, sporttyq shara kezinde premer-ministr Kárim Másimov, Prezident ákimshiliginiń basshysy Ádilbek Jaqsybekov syndy úkimet adamdary da birneshe shaqyrymǵa júgirip ótti.
Bul shara ótken jeksenbiniń kóp talqylanǵan oqiǵasy boldy. Sebebi, mundai aýqymdy shara el astanasyndaǵy jol qozǵalysyna kedergi keltirip, qarapaiym halyqtyń ashýyn týǵyzdy. Degenmen, atalǵan sharanyń jaǵymdy jaqtary da az bolǵan joq.
Sońǵy kezderi eýmettik jelilerdiń belsendi qoldanýshysyna ainalǵan premer-ministriniń ústindegi sporttyq kiimi qoldanýshylardy kúlkige qarq qyldy. Másimovtiń kiim kiisin talqylaǵan qoldanýshylar onyń rettik nómiriniń durys taǵylmaǵanyn, qysqa balaq shalbary men onyń ishinen kigen kók tústi kolgotkiin talqyǵa saldy.
Sondai-aq, jeli qoldanýshylarynyń arasynda onyń aiaqtaryn tym aryq dep tapqandary da tabyldy.
Sondai-aq, jeli qoldanýshylarynyń arasynda onyń aiaqtaryn tym aryq dep tapqandary da tabyldy.
«Sheneýnikter aryq eken, olardy ol jaqta durys tamaqtandyrmai ma ne?», «Bári jaqsy, biraq sizge stilist kerek-aq», «Sizdi kim kiindiredi? Kúlkili kórinesiz?», «Premerdiń kiim kiisi asa demokratiialyq bolyp tur!», «Baltyr bulshyq etteri jaqsy eken, Másimov jaraisyń!», «Barlyq qatysýshylardyń rettik nómirleri keýdesinde tur, Másimov pen Vinokýrovtiki nege yshqyrynda tur? Bul qandai da bir erekshelikti bildiretin belgi me?», - dep ázildedi qoldanýshylar.
Esterińizge salsaq, el premer-ministriniń kiim kiisi jelide birinshi ret talqylanyp otyrǵan joq. Buǵan deiin de Kárim Másimov maýsym aiynda ótken marafonǵa qatysqan bolatyn. Jeli qoldanýshylary onyń sol kezde aiaǵyna eki túrli shulyq kiip alǵanyn áńgime etken bolatyn. Tipti, bul oqiǵanyń qurmetine jelide flesh-mob uiymdastyrylyp, jurt eki túrli shulyq kiip jarysqan edi.
