استانادا وتكەن اۋقىمدى قايىرىمدىلىق مارافونىندا پرەمەر-مينيستر كارىم ءماسىموۆتىڭ كيگەن سپورتتىق كيىمى جەلى قولدانۋشىلارىنىڭ كوڭىلىن كوتەرىپ تاستادى دەپ حابارلايدى NUR.KZ.
استانادا 4 قىركۇيەك كۇنى وتكەن بۇل مارافونعا 4500 ادام، ونىڭ ىشىندە الەم ەلدەرىنەن 25 سپورتشى قاتىسقان. سونداي-اق، سپورتتىق شارا كەزىندە پرەمەر-مينيستر كارىم ءماسىموۆ، پرەزيدەنت اكىمشىلىگىنىڭ باسشىسى ادىلبەك جاقسىبەكوۆ سىندى ۇكىمەت ادامدارى دا بىرنەشە شاقىرىمعا جۇگىرىپ ءوتتى.
بۇل شارا وتكەن جەكسەنبىنىڭ كوپ تالقىلانعان وقيعاسى بولدى. سەبەبى، مۇنداي اۋقىمدى شارا ەل استاناسىنداعى جول قوزعالىسىنا كەدەرگى كەلتىرىپ، قاراپايىم حالىقتىڭ اشۋىن تۋعىزدى. دەگەنمەن، اتالعان شارانىڭ جاعىمدى جاقتارى دا از بولعان جوق.
سوڭعى كەزدەرى ەۋمەتتىك جەلىلەردىڭ بەلسەندى قولدانۋشىسىنا اينالعان پرەمەر-مينيسترىنىڭ ۇستىندەگى سپورتتىق كيىمى قولدانۋشىلاردى كۇلكىگە قارق قىلدى. ءماسىموۆتىڭ كيىم كيىسىن تالقىلاعان قولدانۋشىلار ونىڭ رەتتىك ءنومىرىنىڭ دۇرىس تاعىلماعانىن، قىسقا بالاق شالبارى مەن ونىڭ ىشىنەن كيگەن كوك ءتۇستى كولگوتكيىن تالقىعا سالدى.
سونداي-اق، جەلى قولدانۋشىلارىنىڭ اراسىندا ونىڭ اياقتارىن تىم ارىق دەپ تاپقاندارى دا تابىلدى.
سونداي-اق، جەلى قولدانۋشىلارىنىڭ اراسىندا ونىڭ اياقتارىن تىم ارىق دەپ تاپقاندارى دا تابىلدى.
«شەنەۋنىكتەر ارىق ەكەن، ولاردى ول جاقتا دۇرىس تاماقتاندىرماي ما نە؟»، «ءبارى جاقسى، ءبىراق سىزگە ستيليست كەرەك-اق»، «ءسىزدى كىم كيىندىرەدى؟ كۇلكىلى كورىنەسىز؟»، «پرەمەردىڭ كيىم كيىسى اسا دەموكراتيالىق بولىپ تۇر!»، «بالتىر بۇلشىق ەتتەرى جاقسى ەكەن، ءماسىموۆ جارايسىڭ!»، «بارلىق قاتىسۋشىلاردىڭ رەتتىك نومىرلەرى كەۋدەسىندە تۇر، ءماسىموۆ پەن ۆينوكۋروۆتىكى نەگە ىشقىرىندا تۇر؟ بۇل قانداي دا ءبىر ەرەكشەلىكتى بىلدىرەتىن بەلگى مە؟»، - دەپ ازىلدەدى قولدانۋشىلار.
ەستەرىڭىزگە سالساق، ەل پرەمەر-مينيسترىنىڭ كيىم كيىسى جەلىدە ءبىرىنشى رەت تالقىلانىپ وتىرعان جوق. بۇعان دەيىن دە كارىم ءماسىموۆ ماۋسىم ايىندا وتكەن مارافونعا قاتىسقان بولاتىن. جەلى قولدانۋشىلارى ونىڭ سول كەزدە اياعىنا ەكى ءتۇرلى شۇلىق كيىپ العانىن اڭگىمە ەتكەن بولاتىن. ءتىپتى، بۇل وقيعانىڭ قۇرمەتىنە جەلىدە فلەش-موب ۇيىمداستىرىلىپ، جۇرت ەكى ءتۇرلى شۇلىق كيىپ جارىسقان ەدى.
