Áleýmettik jelide Aleksei Pýchkov esimdi adamnyń jazbasy paida boldy. Onda alaiaqtardyń áreketinen shardap shekkenin jazǵan. Jeli qoldanýshysynyń sózinshe, bul iske kináli Kárim Másimovtiń burynǵy kómekshisi bolǵan ári tanymal estrada juldyzy Indira Elemestiń kúieýi Kalelhan Imanmádi, - dep habarlaidy Dalanews.kz.
Jelide Aleksei Pýchkov bilet satatyn Topbilet saitynyń negizin qalaýshy ári direktory ekenin, sonymen qatar, «Eurostar entertainment» atty halyqaralyq kontsert agenttiginiń de direktory ekenin kórsetken. Al Facebook paraqshasyndaǵy jazbasynda aldanǵan adamdardy izdegen.
"Dostar, keshe Instagram-da jazba jariialadym, biz Kalelhan Imanmádidiń alaiaqtyq áreketterinen zardap shekken adamdardy izdedik.
Ol - Kárim Másimovtiń burynǵy kómekshisi ári ánshi Indira Elemestiń kúieýi. Birneshe adam jaýap qatty, biraq áli de mundai oqiǵalar baryn bilemin.
Siz nemese sizdiń tanystaryńyz osy adamnan zardap shekken bolsa, jeke habarlama jazyńyz. Meniń aldyńǵy jazbamnan keiin Kalelhan ony óshirip tastaýdy ótindi, ol aldaý arqyly alǵan aqshasyn qaitarýǵa ýáde berdi. Alaida munyń bári tek bos sóz boldy", - dedi ol.
Ánshi jelidegi osy aqparatqa pikir bildirgen.
"Qalelhan Imanmádi kúieýim ekeni ras. Biraq bul is týraly eshteńe bilmeimin. Tipti, osy másele boiynsha kúieýime habarlasyp, istiń mán-jaiyn suraǵan da joqpyn. Óitkeni olar – eresek adamdar. Joldasym ekeýimiz bir-birimizdiń tirlikterimizge aralaspaimyz.
Alekseiden aqsha aldy degenniń ózinde men qasynda bolǵan joqpyn. Ol aqshany kórip, qolmen ustaǵan emespin. Sondyqtan eshteńe aita almaimyn. Osy jaǵdaiǵa meni aralastyrǵany úshin renjip qalǵanym ras. Meni jeke paraqshasynda belgilepti. Tipti shok alyp otyrmyn.
Óitkeni óner jolynda júrip, tanymal bolǵaly osyndai máselemen birinshi ret betpe-bet kelip turmyn. Osy turǵyda zańdy qoldaimyn. Zań qalai sheshedi, meniń de pozitsiiam sol jaqta bolady. Kim kináli bolsa da, tiisti jazasyn alýy kerek", – dedi Indira Elemes stan.kz-ke bergen suhbatynda.
Ázirge naqty qandai oqiǵa bolǵany belgisiz. Sonymen qatar, quzyrly organdar da bul jaitqa qatysty áli pikir bildirmedi.
