Izdeý jariialanǵan Másimovtiń eks-kúieýbalasy Azamat Kápenov Birikken Arab Ámirlikterinde jasyrynyp júrýi múmkin. Bul týraly aqparat «Vyhod k moriý» telegram arnasynda paida boldy, - dep habarlaidy Dalanews.kz.
Telegramdaǵy málimet boiynsha, bul týraly aqparat reseilik «Magistral» júiesinde paida bolǵan. «Magistral» - el ishinde qoǵamdyq kólik jolaýshylarynyń qozǵalysyn jáne olardyń Resei Federatsiiasynyń Memlekettik shekarasynan ótýin tirkep otyratyn júie. «Vyhod k moriý» Kápenov Máskeýden Dýbaiǵa 2023 jyldyń 22 shildesinde ushyp ketip, qaitadan oralmaǵanyn jazady.
«Kápenov Qazaqstannyń qylmys áleminde buǵan deiin de kózge túsken. Sonyń biri – Almatydaǵy «Beirýt» meiramhanasynda prodiýser Eltinjal Turǵanalievpen tóbelesi. Taǵy bir oqiǵa burynǵy áielimen bailanysty. Kápenov onyń birinshi áieli 150 myń dollaryn urlaǵanyn dáleldemek bolǵan. Al 2014 jyly prokýratýra Azamat Kápenov basshylyq etken «Qaztemirtransqa» tekseris júrgizgen bolatyn. Azamat tergeý kezinde Máskeýde bolyp, artynsha Kárim Másimovtiń qyzy Tamillaǵa úilenip, Resei azamattyǵyn aldy. Bul jerde, árine, onyń yqpaly kúshti týysy da kómektesken bolýy kerek».
Telegram arnadaǵy málimet boiynsha, Máskeýde Kápenov elitaly jyljymaityn múlikter men qymbat avtokólikter satyp ala bastaǵan. Ol úshin Másimovtiń eks-kúieýbalasy 10 milliard teńge jumsaǵan. Sonymen qatar, Kápenov elden keterde quny 190 myń eýro Porsche Taycan Turbo S avtokóligin minip júrgen.
«Azamat Kápenov «Qaztemirtranstaǵy» isin Kárim Másimovtiń arqasynda jaýyp, Qazaqstanǵa eshqandai qylmystyq qýdalaýdan qoryqpai kelgen. Al 2022 jyly qańtar oqiǵasynan keiin Másimov sottalǵan soń Kápenovtiń esimi BAQ betterinde jii aityla bastady. Sebebi «Aziia-Avtonyń» burynǵy iesi Anatolii Balýshkin Másimovter áýleti men Kápenov zaýytqa reiderlik shabýyl jasady dep aiyptady. Artynsha Azamat Kápenovtiń ústinen taǵy birneshe aryz jazylǵan. Osylaisha Azamatqa Reseide júrgen kezinde-aq «Alaiaqtyq» baby boiynsha is qozǵaldy. Biraq istiń mán-jaiy Qazaqstanda da, Reseide de aitylmaidy. Qylmystyq is Balýshkinniń aryzymen de bailanysty bolýy múmkin».
Taǵy bir boljam boiynsha, Azamatqa qatysty is «Otkrytye tehnologii» reseilik kompaniiasyndaǵy seriktesterimen de bailanysty bolýy múmkin kórinedi.
«Kápenov osy kompaniiamen tyǵyz seriktestik bailanysta bolǵan. Bul kompaniia Resei Federatsiiasyna qarsy joǵary tehnologiialyq ónimderdi jetkizýge sanktsiialar engizilgennen keiin tez dami bastady jáne qorǵanys salasynda jumys isteitin memlekettik merdigerlerden aqparattyq qaýipsizdik kelisimsharttaryn ala bastady. Qańtar oqiǵasynan keiin Azamat Kápenov eks-qaiyn atasynyń komandasymen de bailanysyn úzbegen. 2022 jyly sáýirde Kápenovtiń hatshysy Timýr Qulybaevtyń jaqyn seriktesi Mirbolat Ábýovtiń koronavirýsqa qarsy testin tirkep, ony Radisson Collection Hotel qonaqúiine ornalastyrǵan. Al Ábýovtiń Másimovpen tek iskerlik baǵytta ǵana emes, «týystyq» bailanysy bar. Mirbolat Ábýov pen Másimovtiń jeke qarjygeri Aigúl Nurievanyń ortaq balalary bar».
Eske salaiyq, kúni keshe Másimovtiń eks-kúieýbalasyna izdeý jariialanǵany belgili boldy.
Bul týraly aqparat Quqyqtyq statistika jáne arnaiy esepke alý organdarynyń portalynda jariialandy. Izdestirýdi júrgizetin organ: Qazaqstan Respýblikasynyń Sybailas jemqorlyqqa qarsy is-qimyl agenttiginiń Shyǵys Qazaqstan oblysy boiynsha departamenti.
46 jastaǵy Kápenov 9 tamyzdan beri izdeýde. Buǵan deiin Azamat Kápenovke Resei izdeý jariialaǵan bolatyn.
Azamat Kápenov - "Qaztemirtrans" AQ operatsiia jáne logistika jónindegi burynǵy vitse-prezidenti. Ol UQK eks-tóraǵasy Kárim Másimovtiń qyzy Tamilla Kárimniń burynǵy kúieýi.
