Óskemende "Bipek Avto Qazaqstannyń" negizin qalaýshy Anatolii Balýshkin men "Aziia Avto" bas direktory Erik Saǵymbaevqa qatysty sot protsesi bastaldy, - dep habarlaidy Dalanews.kz.
Sot otyrysy syrttai ótip jatyr, sebebi aiyptalýshylar elde emes.
"Aziia Avto - Bipek Avtoǵa" qatysty janjal 2020 jyly bastalǵan bolatyn. Sol jyly bilik kompaniiamen kelisimshartty buzyp 174 mlrd teńgeni qaitarýdy talap etti. Bul kompaniiaǵa 10 jylǵa jeńildikpen berilgen soma.
Sebebi kompaniia ónerkásiptik qurastyrý boiynsha mindettemelerdi oryndamaǵan kórinedi. Al "Bipek Avto" kontserniniń úlesine Qazaqstannyń avtomobil naryǵynyń 25 paiyzy tiesili boldy, olardyń zaýyttarynda LADA, KIA, UAZ jáne Skoda siiaqty mashinalar shyǵaryldy.
Balýshkinniń ózi UQK-niń burynǵy basshysy Kárim Másimov pen eks-premer-ministr Asqar Mamindi "reiderlik jasady" dep tikelei aiyptady.
Onyń ústine,Balýshkin isti bolyp jatqan kezde ol Resei azamaty ekeni anyqtalǵan. 2021 jyly Balýshkinge izdeý jariialandy, keiin ol Pragada ustaldy degen aqparat tarady.
Forbes dereginshe Balýshkinniń jaǵdaiy 2020 jyldyń jeltoqsanynda 153 million dollarǵa baǵalandy.
