ٶسكەمەندە "بيپەك اۆتو قازاقستاننىڭ" نەگٸزٸن قالاۋشى اناتوليي بالۋشكين مەن "ازييا اۆتو" باس ديرەكتورى ەرٸك ساعىمباەۆقا قاتىستى سوت پروتسەسٸ باستالدى, - دەپ حابارلايدى Dalanews.kz.
سوت وتىرىسى سىرتتاي ٶتٸپ جاتىر, سەبەبٸ ايىپتالۋشىلار ەلدە ەمەس.
"ازييا اۆتو - بيپەك اۆتوعا" قاتىستى جانجال 2020 جىلى باستالعان بولاتىن. سول جىلى بيلٸك كومپانييامەن كەلٸسٸمشارتتى بۇزىپ 174 ملرد تەڭگەنٸ قايتارۋدى تالاپ ەتتٸ. بۇل كومپانيياعا 10 جىلعا جەڭٸلدٸكپەن بەرٸلگەن سوما.
سەبەبٸ كومپانييا ٶنەركەسٸپتٸك قۇراستىرۋ بويىنشا مٸندەتتەمەلەردٸ ورىنداماعان كٶرٸنەدٸ. ال "بيپەك اۆتو" كونتسەرنٸنٸڭ ٷلەسٸنە قازاقستاننىڭ اۆتوموبيل نارىعىنىڭ 25 پايىزى تيەسٸلٸ بولدى, ولاردىڭ زاۋىتتارىندا LADA, KIA, UAZ جەنە Skoda سيياقتى ماشينالار شىعارىلدى.
بالۋشكيننٸڭ ٶزٸ ۇقك-نٸڭ بۇرىنعى باسشىسى كەرٸم مەسٸموۆ پەن ەكس-پرەمەر-مينيستر اسقار ماميندٸ "رەيدەرلٸك جاسادى" دەپ تٸكەلەي ايىپتادى.
ونىڭ ٷستٸنە,بالۋشكين ٸستٸ بولىپ جاتقان كەزدە ول رەسەي ازاماتى ەكەنٸ انىقتالعان. 2021 جىلى بالۋشكينگە ٸزدەۋ جارييالاندى, كەيٸن ول پراگادا ۇستالدى دەگەن اقپارات تارادى.
Forbes دەرەگٸنشە بالۋشكيننٸڭ جاعدايى 2020 جىلدىڭ جەلتوقسانىندا 153 ميلليون دوللارعا باعالاندى.
