Osy rette qaýipsizdik salasyna jaýapty vedmostva lańkestik áreketterdiń kópshiligin kúni buryn anyqtap, jolyn kesip otyrǵanyn airyqsha atap aitýǵa bolady. Elimiz táýelsizdik alǵaly beri qaýipsizdik qyzmeti zaman talabyna sai jumys istep, dini ekstrimizmniń aldyn alý baǵytynda mol tájiribe jinaǵany anyq.
Budan bólek sońǵy kezderi halyqaralyq terrorlyq uiymdardyń qataryndaǵy qazaqstandyq azamattardyń sany edáýir azaiǵan. Buǵan Ulttyq qaýipsizdik komiteti júzege asyrǵan «Jýsan» operatsiiasy oń yqpal etkenin aitýǵa tiispiz.
Osy operatsiianyń arqasynda uzyn sany 600-ge jýyqtaityn otandastarymyz elge oralyp, burynǵy kózqarasynan bas tartqan.
– Jalpylama alǵanda «adasqan» azamattardyń dástúrli ortaǵa oralýy, olardy qoǵamǵa beiimdeý baǵytynda atqarylǵan jumystar jemisin berýde. Lańkestik áreketke barǵan azamattardy ortadan oqshaýlap, kóptegen is-shara qolǵa alyndy, – deidi Másimov.
Komitet tqraǵasynyń aitýynsha, qazirgi tańda elimizdegi lańkestikke qarsy ortalyqta terrorizmniń jolyn kesetin algoritmder ázirlengen. Atalǵan jumysty quqyqtyq, uiymdastyrýshylyq jáne materialdyq-tehnikalyq turǵydan jetildirý udaiy júrgizilýde.
Osy rette Kárim Másomov dini ekstrimizmniń aldan alý isine úkimettik emes uiymdar men túrli sarapshylar da belsende túrde atsalysyp otyrǵanyn alǵa tartty. Osy bir jaittyn Ulttyq qaýipsizdik komiteti dini ekstrimizmge qarsy kúres júrgizýde tutas qoǵamdy jumyldyryp otyr desek artyq aitqandyq bolmas edi.
– Biyldyń ózinde jalpy sany 500 adamdy qamtyǵan 5 myńnan asa profilaktikalyq is-shara uiymdastyrylǵanyn atap aitýǵa bolady. Bir ǵana ǵalamtorda 53 myńnan asa terrorlyq jáne ekstremistik materialdardyń kózi joiylyp, qaýipti saittar buǵattaldy. Profilaktikalyq is-sharalar nátijesinde ekstremistik kózqarasta bolǵan 900-ge tarta azamat dástúrli islam dinine qaita oraldy. Radikaldy-dini kózqarastaǵy 1067 azamatty qazaqstandyq qoǵamnyń qundylyqtaryna beiimdep, ortaǵa sińisýine járdemdestik, – deidi UQK tóraǵasy.
Qolǵa alynǵan is-sharalar oń nátije berip, sonyń arqasynda terrorlyq akti týraly habarlaǵan jalǵan qońyraýlardyń statistikasy kúrt azaiǵan. Osy rette lańkestikke qarsy operatsiiany júzege asyrý kezinde ministrlikter men túrli vedomstvolar birlese jumys isteýge beiimdelgenin aita ketýimiz kerek.
Kárim Másimovtyń pikirinshe, lańkestiktiń aldyn-alýda kóshi-qon saiasatyna muqiiat nazar aýdarý kerek. Zańsyz migratsiia elge terroristik jáne ekstremistik piǵyldaǵy azamattardyń ótip ketýine jol ashýy múmkin. Sondyqtan kóshi-qon salasynda jumys isteitin qyzmetkerler óte saq bolýy kerek.
