Másimov Aqtóbedegi teraktide qaza bolǵandardyń otbasylaryna bardy
"Qazaqstan premer-ministri Kárim Másimov Aqtóbe oblysyna jumys sapary kezinde 2016 jylǵy 5 maýsymdaǵy lańkestik aktisi kezinde qaza tapqan Merhan Tájibaevtyń, Mihail Matrosovtyń, Nikolai Onishenkonyń jáne Andrei Maksimenkonyń otbasylarynda bolyp, kóńil aitty", – delingen baspasóz habarlamasynda.
Azattyqtyń habarlaýynsha, Másimov mingen ushaq Aqtóbe áýejaiyna jergilikti ýaqyt boiynsha 11 shamasynda qonǵan.
Premer-ministr delegatsiiasy quramynda Energetika ministri Qanat Bozymbaev, Densaýlyq saqtaý jáne áleýmettik damý ministri Tamara Dúisenova, Ulttyq ekonomika ministri Qýandyq Beshimbaev bar.
Sapar barysynda Másimov túske deiin Aqtóbede "Batys-2" yqshamaýdanynda salynyp jatqan kópqabatty turǵyn úi men bala baqsha qurylysymen tanyspaq. Budan soń ol jedel járdem aýrýhanasyna baryp, onda emdelip jatqan jaraly naýqastarǵa kirip shyǵady. Budan soń premer "Nur Otan" partiiasy filialy keńsesinde kópshilikpen oblystyń áleýmettik-ekonomikalyq damý máseleleri boiynsha kezdesý ótkizedi.
Budan soń ol jergilikti birneshe kásiporynǵa baryp, keshke qarai Astanaǵa ushyp ketedi.
Kárim Másimov Aqtóbede 5 maýsymda bir top qarýly adam eki qarý-jaraq dúkeni men áskeri bóólimge shabýyldap, saldarynan resmi málimet boiynsha segiz adam qaza tapqan oqiǵadan soń aimaqqa barǵan joǵary shendi alǵashqy sheneýnik. Shabýyldan keiingi terrorizmge qarsy arnaiy operatsiialar barysynda 9 kúdikti ustalyp, 18-iniń kózi joiylǵan.
Derekkóz: Nur.kz
