Astana – Shymkent baǵytyndaǵy ushaqqa mingen 36 jastaǵy mas jolaýshy reisten túsirildi, dep habarlaidy dalanews.kz.
Politsiianyń málimetinshe, áýe kompaniiasy ókilderiniń aktisi negizinde kóliktegi politsiia basqarmasynyń qyzmetkerleri áieldi reisten shyǵarǵan.
«Tekserý barysynda áiel alkogoldik masań kúide bolyp, bylapyt sózder aityp, ózin agressivti ustaǵan jáne politsiia qyzmetkerleriniń zańdy talaptaryna baǵynbaǵan», – delingen habarlamada.
Tártip buzýshyǵa Ákimshilik quqyq buzýshylyq týraly kodekstiń úsh baby boiynsha hattama toltyryldy. Ol qoǵamdyq orynda mas kúide júrgeni, usaq buzaqylyq jasaǵany jáne quqyq qorǵaý organy qyzmetkeriniń zańdy talabyna baǵynbaǵany úshin jaýapkershilikke tartyldy.
Is materialdary protsestik sheshim qabyldaý úshin sotqa joldandy.
