Kassatsiialyq sot Qazaqstanda turýǵa yqtiiarhaty bar Ázirbaijan azamatyn elden shyǵarý týraly sheshimniń kúshin joidy, dep habarlaidy dalanews.kz.
Is materialdaryna sáikes, atalǵan azamat buǵan deiin birneshe ret ákimshilik jaýapkershilikke tartylǵan. Onyń ishinde mas kúiinde kólik basqarǵany jáne dárigerdiń taǵaiyndaýynsyz esirtki qoldanǵany úshin de jaýapqa tartylǵan. Osyǵan bailanysty birinshi satydaǵy sot ony Qazaqstan aýmaǵynan shyǵarý týraly sheshim qabyldaǵan.
Alaida kassatsiialyq sot shetel azamatyn tek quqyq buzýshylyq jasaǵany úshin avtomatty túrde elden shyǵarýǵa bolmaitynyn atap ótti. Sot mundai jaǵdaida quqyq buzýshylyqtyń aýyrlyǵyn, kiná dárejesin, adamnyń otbasylyq jaǵdaiyn, elde qansha ýaqyttan beri turyp jatqanyn jáne basqa da mańyzdy mán-jailardy eskerý qajet ekenin kórsetti.
Sot anyqtaǵandai, er adam Qazaqstanda turaqty turady, kásipkerlikpen ainalysady, salyq tóleidi ári saýda-ónerkásip kesheniniń qurylysyn júzege asyryp jatyr. Sonymen qatar onyń memleket aldyndaǵy 2030 jylǵa deiin óteýi tiis 14 mln teńge kólemindegi mindettemesi bar.
Osy jaittardy eskergen kassatsiialyq sot azamatty elden shyǵarý sharasyn shamadan tys dep tanyp, birinshi satydaǵy sottyń sheshimin kúshin joidy. Nátijesinde Ázerbaijan azamatyna Qazaqstanda qalýǵa ruqsat berildi.
