Resei tennisshisi Mariia Sharapova Aýstraliia-2016 Ashyq chempionatynda doping- baqylaýdan ótpegenin habarlady.
Los-Andjeleste baspasóz máslihatynda sóilegen sózinde Sharapova densaýlyǵyna bailanysty on jyldan beri 2016 jyldyń 1 qańtarynan bastap tyiym salynǵan meldonii dárisin iship kelgenin moiyndady. "Men tolyq jaýapkershilikti moinyma alamyn. Men úlken qatelik jasadym. Men mansabymdy bulaisha aiaqtaǵym kelmeidi, maǵan tenniste qalýǵa taǵy bir múmkindik beredi degen úmittemin", - dedi Sharapova.
Úlken shlem týrniriniń bes dúrkin jeńimpazy, 28 jastaǵy tenisshi ózin qandai jaza kútip turǵanyn áli bilmeidi.
Aldyn dúisenbi kúni málim bolǵandai, taǵy bir reseilik mánerlep syrǵanaýshy Ekaterina Bobrova men onyń bidegi juby Dmitrii Solovev meldonii preparatyn qoldanǵany úshin AQSh-taǵy álem chempionatyna qatysý quqyqtarynan aiyryldy.
Tyiym salynǵan preparat osymen birneshe reseilik sportshylardan anyqtalǵan. Onyń ishinde voleibolist Aleksandr Markin men konkishi Pavel Kýlijnikov bar. Meldonii metabolizm gormony men modýliatoryna jatady. Ony ádette fizikalyq jáne psihikalyq nerv júieleriniń turaqtylyǵy úshin ishedi.
