Týrızm jáne sport mınıstri Ermek Marjyqpaev bastapqyda Eldos Smetovti Olımpıadaǵa jiberýge qarsy bolǵan. Bul týraly jýrnalıs Ádil Tólepbergenov áleýmettik jelidegi paraqshasynda aıtty, - dep habarlaıdy Dalanews.kz.
Onyń sózinshe, Olımpıadaǵa barýǵa úsh úmitker bolǵan.
"Ermek Marjyqpaev bastapqyda Smetovti Qazaqstan quramasynyń qataryna qosýǵa qarsy bolǵan. Buǵan jaýap retinde federasıa úsh úmitker arasynda jekpe jek ótkizip, nátıjesinde Eldos jeńip shyqty. Al mınıstr Marjyqpaevta ony olımpıada quramyna qosýǵa májbúr boldy", - deıdi jýrnalıs.
Sonymen qatar, jýrnalıs Ádil Tólepbergenov Eldos Smetovtiń prezıdentpen telefon arqyly sóılesip turǵan kezindegi áreketin synap tastaǵan.
"Eldos Smetov Ermek Marjyqpaevqa telefondy qaıtarǵan kezindegi túrine mán berińizdershi. Osylaısha Eldos mınıstr bul jerde turǵan artyq adam ekenin ańǵartqandaı.
Biraq Marjyqpaev prezıdenttiń aldynda ózin kórsetip, onyń aldynda upaı jınap qalmasa Marjyqpaev bolmas edi. Olımpıada chempıony suhbat berip jatqan kezde sportshy úshin mańyzdy sátte báriniń nazaryn ózine aýdarýdyń ne qajeti bar? Al jeke jattyqtyrýshynyń eńbegin aıtqan kezde Marjyqpaevtyń túri de, daýsy da ózgerip ketti», - deıdi jýrnalıs.
Eske salaıyq, 27 shildede Ulttyq qurama kóshbasshysy Eldos Smetov (60 kg) Parıj Olımpıadasynyń fınalynda altyn medaldi jeńip aldy.
Qazaq palýany Parıjdegi oıyndardyń fınalynda Lýka Mheıdzemen (Fransıa) kúresip, qarsylasynan basym tústi.
Osylaısha, Eldos Smetov olımp shyńyn baǵyndyryp, esimin qazaq sporty tarıhyna altyn árippen qashap jazdy.
Tarazdyq tatamı sheberi osyǵan deıin 2016 jyly Rıo Olımpıadasynda fınalǵa shyqqanymen qarsylasyna ese jiberip, kúmispen kúptelgen. Al Tokıodaǵy oıyndarda Tornıke Chkadýany jyǵyp, úzdik úshtikti túıindegen. Al búgin Eldos ómirindegi basty beldesýde bar sheberligin pash etti.
