تۋريزم جانە سپورت ءمينيسترى ەرمەك مارجىقپايەۆ باستاپقىدا ەلدوس سمەتوۆتى وليمپياداعا جىبەرۋگە قارسى بولعان. بۇل تۋرالى جۋرناليست ءادىل تولەپبەرگەنوۆ الەۋمەتتىك جەلىدەگى پاراقشاسىندا ايتتى، - دەپ حابارلايدى Dalanews.kz.
ونىڭ سوزىنشە، وليمپياداعا بارۋعا ءۇش ۇمىتكەر بولعان.
"ەرمەك مارجىقپايەۆ باستاپقىدا سمەتوۆتى قازاقستان قۇراماسىنىڭ قاتارىنا قوسۋعا قارسى بولعان. بۇعان جاۋاپ رەتىندە فەدەراسيا ءۇش ۇمىتكەر اراسىندا جەكپە جەك وتكىزىپ، ناتيجەسىندە ەلدوس جەڭىپ شىقتى. ال مينيستر مارجىقپايەۆتا ونى وليمپيادا قۇرامىنا قوسۋعا ءماجبۇر بولدى"، - دەيدى جۋرناليست.
سونىمەن قاتار، جۋرناليست ءادىل تولەپبەرگەنوۆ ەلدوس سمەتوۆتىڭ پرەزيدەنتپەن تەلەفون ارقىلى سويلەسىپ تۇرعان كەزىندەگى ارەكەتىن سىناپ تاستاعان.
"ەلدوس سمەتوۆ ەرمەك مارجىقپايەۆقا تەلەفوندى قايتارعان كەزىندەگى تۇرىنە ءمان بەرىڭىزدەرشى. وسىلايشا ەلدوس مينيستر بۇل جەردە تۇرعان ارتىق ادام ەكەنىن اڭعارتقانداي.
ءبىراق مارجىقپايەۆ پرەزيدەنتتىڭ الدىندا ءوزىن كورسەتىپ، ونىڭ الدىندا ۇپاي جيناپ قالماسا مارجىقپايەۆ بولماس ەدى. وليمپيادا چەمپيونى سۇحبات بەرىپ جاتقان كەزدە سپورتشى ءۇشىن ماڭىزدى ساتتە ءبارىنىڭ نازارىن وزىنە اۋدارۋدىڭ نە قاجەتى بار؟ ال جەكە جاتتىقتىرۋشىنىڭ ەڭبەگىن ايتقان كەزدە مارجىقپايەۆتىڭ ءتۇرى دە، داۋسى دا وزگەرىپ كەتتى»، - دەيدى جۋرناليست.
ەسكە سالايىق، 27 شىلدەدە ۇلتتىق قۇراما كوشباسشىسى ەلدوس سمەتوۆ (60 كگ) پاريج وليمپياداسىنىڭ فينالىندا التىن مەدالدى جەڭىپ الدى.
قازاق پالۋانى پاريجدەگى ويىنداردىڭ فينالىندا لۋكا محەيدزەمەن (فرانسيا) كۇرەسىپ، قارسىلاسىنان باسىم ءتۇستى.
وسىلايشا، ەلدوس سمەتوۆ وليمپ شىڭىن باعىندىرىپ، ەسىمىن قازاق سپورتى تاريحىنا التىن ارىپپەن قاشاپ جازدى.
تارازدىق تاتامي شەبەرى وسىعان دەيىن 2016 جىلى ريو وليمپياداسىندا فينالعا شىققانىمەن قارسىلاسىنا ەسە جىبەرىپ، كۇمىسپەن كۇپتەلگەن. ال توكيوداعى ويىنداردا تورنيكە چكادۋانى جىعىپ، ۇزدىك ۇشتىكتى تۇيىندەگەن. ال بۇگىن ەلدوس ومىرىندەگى باستى بەلدەسۋدە بار شەبەرلىگىن پاش ەتتى.
