Jalpy aýdanda týrıserdi qyzyqtyratyn jerler óte kóp. Máselen, 2020-2021 jyldary jalpy quny bir mıllıard teńgege jýyq ınvestısıaǵa «Darıa», «Komfort», «Jemchýjına» jáne basqa da termaldy bulaqtarda demalys oryndary paıdalanýǵa berilgen.
Budan bólek, Nazýgým úńgirleri, Aǵash kólide týrıser úshin asa kórkem meken ekeni jasyryn emes.
– Sharyn lokasıasynda týrısik klasterdi damytý «Sharyn» memlekettik ulttyq tabıǵı parkiniń áleýetine negizdelgen, relıkti kúl toǵaıy, Sharyn ózeniniń kanony, termaldy bulaqtar, bul oblys aýmaǵynda týrıserdi qyzyqtyratyn kórkem jerler, – dedi Marat Eleýsizuly.
Oblys ákimi, túrli týrısik resýrstardyń bolýyn bylaı qoıǵanda, óńirdegi qolaıly klımattyq jaǵdaılar týrıserdi qysta da, jazda da qabyldaýǵa múmkindik beretinin tilge tıek etti. Onyń aıtýynsha, halyqaralyq týrızm «altyn jumyrtqa salatyn taýyqqa» aınalǵan.
Qazirgi ýaqytta Uıǵyr aýdanynyń aýmaǵynda 170 jylý uńǵymalary men 55 ornalastyrý oryndary bar. Búgingi kúni, ekologıa, geologıa jáne tabıǵı resýrstar mınıstrligimen birlesip «Sharyn» ulttyq saıabaǵyna «Qazaq Geoqraphy» zákir ınvestory tartyldy, ol ekotýrızmdi damytý boıynsha 5 mıllıard teńgeden astam somaǵa ınvestısıalyq jobany júzege asyrýdy josparlap otyr.
Osyǵan baılanysty óńir basshysy jıyn sońynda, óziniń orynbasary Arslan Dandybaevqa, Memlekettik kirister departamentine, týrızm, energetıka jáne turǵyn úı-kommýnaldyq sharýashylyq, jolaýshylar kóligi jáne avtomobıl joldary basqarmalaryna aýdan ákimimen birlese otyryp, týrızmdi damytý máselelerin, qurylys jáne rekonstrýksıalaý boıynsha josparlanǵan nysandardy ýaqytynda aıaqtaýdy erekshe baqylaýǵa alyp, týrızmnen túsetin salyq túsimderiniń durys esebin júrgizýdi tapsyrdy.
