"Bul jaqyn arada sot tyńdaýlary bolatynyn bildiredi. Astanadan sot baqylaýshysyn izdeımiz", - dep jazdy ol. Esterińizge sala keteıik, 25 mamyrda sot tirkelmegen "Alǵa, Qazaqstan!" opozısıalyq partıasynyń 60 jastaǵy tóraǵasyna qatysty qamaýda ustaý túrindegi bultartpaý sharasyna sanksıa bergen bolatyn.
Astana PD ekstremızmge qarsy kúres basqarmasy belsendiniń Qazaqstanda tyıym salynǵan "Qazaqstannyń demokratıalyq tańdaýy" qozǵalysynyń (Eýroparlament bul uıymdy beıbit opozısıaǵa jatqyzady) uıymdastyrýshylary men qatysýshylarynyń áleýmettik jelisiniń chatyna múshe ekenin anyqtady.
Belsendi tergeý organdarynyń tujyrymdarymen úzildi-kesildi kelispeıdi. Mamyr aıynyń basynda Jylanbaev 20 táýlikke qamaýǵa alyndy. Tirkelmegen "Alǵa, Qazaqstan!" bir jylǵa jýyq ýaqyt boıy bılikten resmı tirkeý rásimin bastaýǵa ruqsat alýǵa tyrysyp keledi.
2023 jyldyń aqpanynda Jylanbaev depýtattyqqa usynyldy, biraq keıinirek sot oǵan "merziminen buryn úgit júrgizgeni úshin" aıyppul saldy.
