"بۇل جاقىن ارادا سوت تىڭداۋلارى بولاتىنىن بىلدىرەدى. استانادان سوت باقىلاۋشىسىن ىزدەيمىز"، - دەپ جازدى ول. ەستەرىڭىزگە سالا كەتەيىك، 25 مامىردا سوت تىركەلمەگەن "العا، قازاقستان!" وپپوزيسيالىق پارتياسىنىڭ 60 جاستاعى ءتوراعاسىنا قاتىستى قاماۋدا ۇستاۋ تۇرىندەگى بۇلتارتپاۋ شاراسىنا سانكسيا بەرگەن بولاتىن.
استانا پد ەكسترەميزمگە قارسى كۇرەس باسقارماسى بەلسەندىنىڭ قازاقستاندا تىيىم سالىنعان "قازاقستاننىڭ دەموكراتيالىق تاڭداۋى" قوزعالىسىنىڭ (ەۋروپارلامەنت بۇل ۇيىمدى بەيبىت وپپوزيسياعا جاتقىزادى) ۇيىمداستىرۋشىلارى مەن قاتىسۋشىلارىنىڭ الەۋمەتتىك جەلىسىنىڭ چاتىنا مۇشە ەكەنىن انىقتادى.
بەلسەندى تەرگەۋ ورگاندارىنىڭ تۇجىرىمدارىمەن ۇزىلدى-كەسىلدى كەلىسپەيدى. مامىر ايىنىڭ باسىندا جىلانبايەۆ 20 تاۋلىككە قاماۋعا الىندى. تىركەلمەگەن "العا، قازاقستان!" ءبىر جىلعا جۋىق ۋاقىت بويى بيلىكتەن رەسمي تىركەۋ ءراسىمىن باستاۋعا رۇقسات الۋعا تىرىسىپ كەلەدى.
2023 جىلدىڭ اقپانىندا جىلانبايەۆ دەپۋتاتتىققا ۇسىنىلدى، ءبىراق كەيىنىرەك سوت وعان "مەرزىمىنەن بۇرىن ۇگىت جۇرگىزگەنى ءۇشىن" ايىپپۇل سالدى.
