Bul týraly QazAqparatqa bergen suhbatynda Danıardyń bapkeri, ári ákesi Marat Eleýsinov aıtty.
«Búgin Danıar halyqtyń úmitin aqtady. Sol úshin qatty qýanyp jatyrmyz. Men ǵana emes, búkil qazaq eli qýanyp jatyr. Danıar meniń ǵana balam emes, ol búkil halyqtyń balasy», – dep atap ótti Marat Eleýsinov.
Sondaı-aq, fınaldaǵy qarsylasy men jekpe-jek týraly da óz oıymen bólisti.
— Ózderińiz bilesizder! Danıar jartylaı fınalda úlken jaraqat aldy. Qabaǵy týra kóziniń janynan tereń jyrtylyp ketti.
Jyrtylǵan jerin bir emes, eki ret tiktirdik. Fınalda óte qıyn bolady-aý, dep qoryqqanymyzda jasyryn emes.
Sebebi, qarsylasy onyń jaralanǵan jerin kózdep soqqy jasaıtyny anyq edi.
Sosyn, biz Danıarǵa qarsylasyn jaqsylap zerttep, ózgeshe aıla-tásil jasaýdy tapsyrdyq. Tek aıaqpen jumys istep, qarsylasyńa shegine júrip soqqy jasa, birden óziń alǵa umtylma degen bolatynbyz.
Ol tapsyrmany oıdaǵydaı oryndady. Ózine kóp soqqy darytpady. Sonyń nátıjesinde jeńiske jetti, – dedi Danıardyń ákesi.
