Marat Áitenov aliment qaryzyn tólemegeni úshin Mercedes avtokóliginen aiyryldy, - dep habarlaidy Dalanews.kz.
Bul týraly Astana qalasynyń jeke sot oryndaýshylary habarlady. Olardyń málimetinshe, Áitenov balalaryna 23 million teńge qaryz bolyp qalǵan.
Avtokólik satylymǵa qoiylady. Odan túsken qarjy qaryzdy óteýge berilmek. Marat Áitenovtiń burynǵy áieli Dana Áteshovanyń sózinshe, onyń burynǵy kúieýi bul kólikti jasyryp júrgen. Ol úshin Áitenov burynǵy jeke sot oryndaýshymen kelisip alǵan kórinedi.
Eske salaiyq, buǵan deiin Marat Áitenovke qatysty qylmystyq is qozǵalyp, ol 5 táýlikke qamaýǵa alynǵan bolatyn.
"Sot otyrysy barysynda quqyq buzýshy óz kinásin moiyndaǵan joq. Ol burynǵy jubaiy onyń ótinishi boiynsha balalaryn berýden bas tartyp, olardyń qoldarynan ustap jibermegenin túsindirdi. Ol balalardy áketý úshin edende otyrǵan áieldiń aiaqtarynan tartqan. Ol ádepsiz sóz aitpaǵanyn, ony urmaǵanyn atap ótti", - dedi sotta.
Sottyń málimetinshe, jábirlenýshi burynǵy kúieýi ony kóshirý kezinde zańsyz júrip, oǵan shabýyl jasap, denesine zaqym keltirgenine shaǵymdanǵan. Jasalǵan quqyq buzýshylyqtyń mán-jailary ákimshilik quqyq buzýshylyq týraly hattamamen, beinejazbamen, jábirlenýshiniń túsindirmelerimen rastalady.
"ÁQBtK-niń 73 - babynyń 1-bóliginiń sanktsiiasy eskertýdi nemese 5 táýlikke ákimshilik qamaqqa alýdy kózdeidi. Joǵaryda keltirilgen mán-jailardy, sondai-aq jurtshylyqqa teris áser etetin jáne jeke adamnyń quqyqtaryna qol suǵatyn jasalǵan is-árekettiń dárejesi men sipatyn eskere otyryp, quqyq buzýshy ÁQBtK-niń 73-babynyń 1-bóligi boiynsha kináli dep tanyldy. Oǵan jaza taǵaiyndalyp, 5 táýlikke qamaýǵa alyndy. Qaýly zańdy kúshine engen joq", - delingen aqparatta.
Artynsha Marat Áitenov eks-áieli ony tistep alǵany úshin sotqa bergen.
Aiyptaýdyń máni
Áteshova ony májbúrlep shyǵarý protsesi barysynda úi iesine qarsylyq kórsetip, Áitenovti úige kirgizbei, jábirlenýshini qasaqana uialy telefonymen soǵyp, ony tistep alǵan.
Nátijesinde Marat Áitenovke dene jaraqaty keltirilgen kórinedi. Áteshovanyń kinási jábirlenýshiniń, kýágerlerdiń aiǵaqtarymen, sot-meditsinalyq saraptama qorytyndysymen jáne is materialdarymen dáleldengen.
Taraptardyń ustanymy
Prokýror 30 AEK mólsherinde aiyppul túrinde jaza taǵaiyndaýdy surady.
Qorǵaýshy tarap oqiǵa men qylmystyq quqyq buzýshylyq quramynyń bolmaýyna bailanysty is boiynsha is júrgizýdi toqtatýdy surady.
Qandai jaza taǵaiyndaldy?
QK-niń 108-1-baby 1-bóliginiń sanktsiiasy 200 AEK-ke deiingi mólsherde aiyppul salý ne sol mólsherde túzeý jumystary, ne 200 saǵatqa deiingi merzimge qoǵamdyq jumystarǵa tartý, ne 50 táýlikke deiingi merzimge qamaqqa alý túrindegi jazany kózdeidi.
Sot qylmystyq jaýaptylyq pen jazany jeńildetetin mán-jailar retinde jas balalardyń bolýyn jáne sottylyǵynyń bolmaýyn tanydy. Aýyrlatatyn mán-jailar anyqtalǵan joq.
Jasalǵan teris qylyqtyń mán-jailaryn jáne onyń aýyrlyǵyn eskere otyryp, sondai-aq sottalýshynyń jeke kásipker bolyp tabylatynyn, onyń asyraýynda 3 jas balasynyń bar ekenin jáne jazanyń ózge túrin taǵaiyndaý onyń balalarynyń ómiri men tárbiesi jaǵdailaryna áser etýi múmkin ekenin eskere otyryp, sot sottalýshy Áteshovaǵa 20 AEK mólsherinde aiyppul túrindegi jaza taǵaiyndady.
