Tipti kózine jas alyp, halyqtan, áriptesterinen jáne týystarynan keshirim surady. Qatesin túsinetinin jáne kinásin tolyqtai moiyndaitynyn da málimdedi.
Sot úkimi búgin jariialanbaq. Buǵan deiin prokýror kúdiktige 90 mln teńge aiyppul tóletýdi suraǵan bolatyn. Sondai-aq memlekettik marapattarynan aiyrý úshin Prezidenttiń atyna usynys hat daiyndaýdy talap etken.
Alaida Erlan Biláldiń ózi ony marapatynan aiyrmaýdy surap otyr.
"Jaza retinde aiyppuldy óteýge ázirmin, alaida eńbekpen kelgen marapattarymnan aiyrmasańyzdar eken. Bul meniń ári qarai da shyǵarmashylyqpen ainalysýyma demeý bolar edi. Shyǵarmashylyq adamǵa ataq-dańqynan aiyrylýdan aýyry joq", – dedi Bilál.
Sonymen birge Bilál sottan otbasylyq jáne qarjylyq jaǵdaiyna bailanysty aiyppul kólemin azaitýdy suraýda.
"Aiyppul kólemin azaitýdy qarastyrsańyz eken. Qatelestim, qatty ókinemin. Meniń qazirgi jaǵdaiyma túsinistikpen qaraýdy suraimyn. Bárimiz pendemiz. Qatelesý qanymyzda bar. Qoldaýlaryńyz ǵana qajet, elimniń damýy jolynda ári qarai da ter tógýge ázirmin", – dedi ol.
Aita keteiik, kúdiktige qatysty Qylmystyq kodekstiń eki baby boiynsha qylmystyq is qozǵalǵan.
Tanymal akter jańa jyldyń alǵashqy kúnderi para almaq boldy degen aiyppen isti bolǵan edi.
Jemqorlyqqa qarsy ulttyq biýro qyzmetkerleri ony teatrdyń kórermen zalyn jalǵa berý úshin zańdy tulǵalardyń birinen 1,5 mln teńge kóleminde para talap etti degen kúdikpen quryqtady.
