9 jeltoqsanda Úkimet úiinde Úkimet otyrysy ótip, kólik-tranzit salasyn damytý men tsifrlandyrý máselesi qarastyryldy, dep habarlaidy Dalanews.kz.
Kólik ministri Nurlan Saýranbaev, "QTJ" UK" AQ basqarma tóraǵasy Talǵat Aldybergenov, "QazAvtoJol "UK" AQ basqarma tóraǵasy Darhan Imanashev otyrys qorytyndysy boiynsha baspasóz konferentsiiasyn ótkizdi.
Brifing barysynda "Qazaqstan temir joly" ulttyq kompaniiasynyń (QTJ) basqarma tóraǵasy Talǵat Aldybergenovke "QTJ-nyń qaryzy azaidy ma, IPO-ǵa qashan shyǵady?" degen suraq qoiyldy.
"KTJ-nyń dolgy bar, biraq... Meniń orynbasarym", - dep shala jaýap bergen Talǵat Aldybergenov suraqty orynbasaryna siltegen.
Esesine premer-ministr Oljas Bektenov Úkimet otyrysynda jasandy intellekt jáne tsifrlyq damý vitse-ministri Rostislav Koniashkindi maqtady. Vitse-ministr kólik-tranzit salasyna tsifrlyq quraldardy engizýge arnalǵan baiandamasyn tolyq qazaq tilinde jasap, Oljas Bektenovtiń oń baǵasyn alǵan.
"Jaqsy, qazaq tilinde baiandadyńyz. Durys, úirený kerek", – dedi premer-ministr.
