9 جەلتوقساندا ۇكىمەت ۇيىندە ۇكىمەت وتىرىسى ءوتىپ، كولىك-ترانزيت سالاسىن دامىتۋ مەن سيفرلاندىرۋ ماسەلەسى قاراستىرىلدى، دەپ حابارلايدى Dalanews.kz.
كولىك ءمينيسترى نۇرلان ساۋرانبايەۆ، "قتج" ۇك" اق باسقارما ءتوراعاسى تالعات الدىبەرگەنوۆ، "قازاۆتوجول "ۇك" اق باسقارما ءتوراعاسى دارحان يماناشيەۆ وتىرىس قورىتىندىسى بويىنشا باسپا ءسوز كونفەرەنسياسىن وتكىزدى.
بريفينگ بارىسىندا "قازاقستان تەمىر جولى" ۇلتتىق كومپانياسىنىڭ (قتج) باسقارما ءتوراعاسى تالعات الدىبەرگەنوۆكە "قتج-نىڭ قارىزى ازايدى ما، IPO-عا قاشان شىعادى؟" دەگەن سۇراق قويىلدى.
"كتج-نىڭ دولگى بار، ءبىراق... مەنىڭ ورىنباسارىم"، - دەپ شالا جاۋاپ بەرگەن تالعات الدىبەرگەنوۆ سۇراقتى ورىنباسارىنا سىلتەگەن.
ەسەسىنە پرەمەر-مينيستر ولجاس بەكتەنوۆ ۇكىمەت وتىرىسىندا جاساندى ينتەللەكت جانە سيفرلىق دامۋ ۆيسە-مينيسترى روستيسلاۆ كونياشكيندى ماقتادى. ۆيسە-مينيستر كولىك-ترانزيت سالاسىنا سيفرلىق قۇرالداردى ەنگىزۋگە ارنالعان بايانداماسىن تولىق قازاق تىلىندە جاساپ، ولجاس بەكتەنوۆتىڭ وڭ باعاسىن العان.
"جاقسى، قازاق تىلىندە باياندادىڭىز. دۇرىس، ۇيرەنۋ كەرەك"، – دەدى پرەمەر-مينيستر.
