Óńirlerdegi disproportsiia men demografiialyq teńgerimsizdikti joiý jónindegi seminar-keńes nátijeli jumyspen qamtýdy jáne kásipkerlikti damytýdyń 2017-2021 jyldarǵa arnalǵan baǵdarlamasy sheńberinde ótti.
Jiynda óz erkimen qonys aýdarýshylarǵa járdemdesetinin aitqan Ǵ.Músirepov aýdanynyń jumyspen qamtý jáne áleýmettik baǵdarlamalar bóliminiń basshysy Baian Shegebaev atalǵan aýdan týraly maqtaraldyqtarǵa baiandady.
– Ǵabit Músirepov aýdany 1969 jyly quryldy. Aýdan aimaǵy 11,1 myń km2. 2010 jylǵy 1 qańtarǵa aýdannyń halqynyń sany 48,2 myń adamdy qurady. Halyqtyń tyǵyzdyǵy 1 sharshy metrge 4,3 adamnan keledi. Aýdanda 19 aýyldyq okrýg, 68 aýyldyq eldi meken bar, – dedi B.Shegebaev.
Eki aýdanda da bilim, densaýlyq saqtaý sekildi ózge de salalarda maman tapshylyǵy baiqalady. Osy jaittarǵa toqtalǵan Esil aýdany ákiminiń orynbasary Edil Týtkýshev aldaǵy ýaqytta kóship baram deýshilerge baspana, egistik jer, turaqty jumys taýyp berýge ýáde etti.
– Esil aýdany 1997 jyldyń 17 sáýirine deiin áýeli Lenin, sodan keiin Máskeý aýdandary atalyp keldi. Jeriniń aýmaǵy 5,14 myń km². Turǵyny 38,3 myń adam. Quramyndaǵy 60 eldi meken 15 aýyldyq ákimshilik okrýgke biriktirilgen. Ortalyǵy – Iavlenka aýyly. Bizde, negizinen, aýyl sharýashylyǵymen ainalysady. Aýyl sharýashylyǵyna paidalanylatyn jeriniń aýmaǵy 454,9 myń gektar. Egis aýmaǵynyń 70%-ke jýyǵyn dándi daqyldar quraidy. Degenmen, jumys kúshiniń tapshylyǵynan jerimiz tolyq igerilmei otyr, – dedi Edil Meiramuly.
Jiyn barysynda Maqtaral aýdanynyń turǵyndary da kóshýge bailanysty ózderin mazalap júrgen saýaldaryn qoiyp, naqty jaýaptaryn aldy. Myrzashóldikterdi kóbinese baspana men beriletin memlekettik jeńildikter qyzyqtyrdy.
Maqtaral aýdany ákiminiń baspasóz qyzmeti
