MAQTARALDYQ SPORTShYLAR HALYQARALYQ AZIIa ChEMPIONATYNAN JÚLDEMEN ORALDY
14 elden komandalar qatysqan chempionatqa Maqtaral aýdanynyń №2 sport mektebiniń oqýshylary da qatysyp, júldeli oryndardy ielendi.
Múmkindigi shekteýli jandar arasynda ARM2 sanatynda +55 kg salmaq dárejesinde oń jáne sol qolda Sultanbek Qalmyrza II oryndy alyp, kúmis júldege qol jetkizdi. Sondai-aq, jasóspirimder arasynda 55 kg salmaq dárejesinde oń qolda Nursultan Qalybek III oryndy, 80 kg salmaq dárejesinde oń qolda Nursultan Kárimov III oryndy alyp, jalpy maqtaraldyqtardyń qorjynyna 1 kúmis, 2 qola tústi.
Kúni keshe Maqtaral aýdany ákiminiń orynbasary Altyn Eshanqulova júldemen oralǵan sportshylarǵa jáne olardyń bapkerlerine aýdan ákiminiń alǵys hattary men syilyqtaryn tabys etti. «Biyl sport salasynda maqtaraldyqtardyń baǵy janyp tur. Árine, munyń bári sizderdiń eńbekterińizdiń, tókken terlerińizdiń arqasy» - dedi A.Eshanqulova.
